Кипар на вондредна седница ќе одлучува за финансиската помош

Добивај вести на Viber

На вондредна седница денеска кипарскиот Парламент ќе одлучува дали штедачите ќе плаќаат данок на депозитите на своите сметки, како што е предвидено со пакет помошта на еврозоната и на Меѓунаордниот монетарен фонд.

Министрите го довршуваат предлог-договорот за ратификација на оваа одлука, која треба да стапи во сила во вторник. На Кипар утре е неработен ден „Чист понеделник“, што традиционално карневалски се слави ширум земјата.

Претседателот на Кипар Никос Анастасиадес им порача на сонародниците дека немало алтернатива и дека одбивањето на помошта би значело колапс на двете најголеми банки на островот. Двете банки вкупно имаат загуби од 4,5 милијарди евра, што е приближно една четвртина од националниот бруто домашен производ.

Министрите за финансии на земјите-членки на еврозоната и ММФ во петокот одобрија десет милијарди евра помош за Кипар, со цел земајата да избегне банкрот. Договорот предвидува граѓаните еднократно да платат данок од 9,9 проценти на банкарските депозити, а ќе биде воведен и приход од камати врз основа на банкарскиот депозит.

Оданочувањето на банкарските сметки е преседан, но еврозоната се согласи на тоа бидејќи 37 проценти од вкупната сума пари во кипарските банки се странски капитал. Се претпоставува дека на тој начин ќе бидат собрани околу шест милиајрди евра.

Граѓаните на Кипар по веста за воведувањето на даноците побрзаа да ги извадат парите предизвикаа колапс на банкоматите. Комерцијалните банки, кои работаат во сабота, вчера ги затворија експозитурите.