Кирацовски ќе тужи медиуми кои шират лажни информации за неговиот имот
Објавено во: Македонија 19 Јуни, 2019
Актуелниот пратеник Александар Кирацовски од владеачката гарнитура најавува тужби за неколку проопзициски медиуми кои што како тврди лиферуваат лажни информации и измислици.
Поранешниот генерален секретар на СДСМ испровоциран од неколку медиуми на социјалните мрежи објави дека истите ќе ги тужи обвинувајќи ги за груба лага и клевета која, потенцира лесно се докажува, во или вон судска постапка и е беспредметна за дискусија.
„Фамозната "хациенда" е семејна куќа изградена од 2013\ 2015 год. (а НЕ кога јас сум на општествена функција) на локација која е еден век во сопственост на мојата фамилија, од секој аспект основана и пријавена во Антикорупциска комисија“, пишува Кирацовски.
Меѓудругото, пратеникот потенцира дека практиката на ширење на лаги на дрзок и безобразен начин дополнително го мотивира, како пратеник во републичкото Собрание, да покрене сериозна иницијатива за законско решение со кое ќе се стави крај на создавањето на лажна претстава за реалноста.