Кирацовски: Моите блиски се повлекуваат од работните места

Добивај вести на Viber

Александар Кирацовски, генералниот секретар на СДСМ, денеска соопшти дека неговата сестра Мирјана Јосифовска и мајката на неговата сопруга се повлекуваат од работните места каде што изминатиот период добиле ангажмани.

Ваквата реакција на пратеникот следува по вчерашниот повик на премиерот Зоран Заев финкционерите од неговата партија да ги повлечат нивните блиски од новите работни места кои во меѓувреме се отвориле за нив. 

Претходно, во вторникот Комисијата за спречување на корупцијата на седница го стави Кирацовски на врвот на листата по случаи за непотизам за вработувањето на неговиот дедо Борче Поповски во ЕЛЕМ Новаци, и сестрата Мирјана Јосифовска во Централен регистар, и мајката на сопругата на Кирацовски, Мери Поповска, во ДУД „Мирка Гинова“, за ДКСК се со индиции за непотизам.

„Таткото на мојата сопруга, Борис Поповски, веднаш го повлече својот ангажман како алатничар, преку Агнеција за времени вработувања. Во оваа насока сакам да ја известам јавноста дека побарав повлекувањe на моите роднини од работните места за кои ДКСК наоѓа некакви индиции, иако немам право на тоа, затоа што никако не сум влијаел за нивните вработувања. Од работното место, кое нема никаква поврзаност со непотизам, се повлекуваат и мојата сестра, Мирјана Јосифовска и мајката на мојата сопруга. По нивна волја, како нивна лична одлука. Привилегии, партизација и непотизам не се вредности на СДСМ, не се ниту ќе бидат мои вредности“, истакна Кирацовски во дел од неговото денешно соопштение.