Кирацовски: Сите злоупотреби на виделина, одговорност ќе има
Објавено во: Македонија 17 Јули, 2019
На крајот, се излегува на виделина – сите злоупотреби, а одговорност ќе има, напиша на фејсбук Александар Кирацовски, пратеник и поранешен генерален на СДСМ. Неговото име на некаков начин се поврзува со аферата, но тој демантира дека имал каква било поврзаност. Во денешната објава вели дека правдата и законите морале еднакво да гледаат кон секого.
„На голем дел од јавноста им е чудно, а опозицијата е збуната што оваа власт, за разлика од претходната, не го штити криминалот, не ја гае корупцијата и не рекетира, туку ги лови криминалците, корумпираните и рекетарите, независно кои се!
Добро е што започна истрагата, за да се расчистат шпекулациите, озборувањата, претпоставките и предрасудите кои се развиваат тогаш кога не се делува!
На крајот, се излегува на виделина – сите злоупотреби, а одговорност ќе има.
И нема да има компромис! Правдата и законите мора подеднакво да гледаат кон секого!
И нема да дозволиме оваа афера и фамата околу истата ни за момент да ни го оттргни фокусот од ловот на деценискиот криминал, корупција и рекет од кои државата и ден-денешен се опоравува!, пишува Кирацовски.