11 Август, 2020
0.0206

ЌЕ БАЗИРА НА ГЕНЕТИКА: МОЖЕ ЛИ ВАКЦИНАТА ДА БИДЕ ГОТОВА ДО ЕСЕН - директорот на фармацевтската компанија е голем оптимист

Објавено во: Свет 12 Јули, 2020

Една од водечките светски фармацевтски компании Pfizer е се повеќе уверена дека нејзините напори за развој на вакцина против коронавирус ќе бидат успешни. 

Во интервју за TIME, извршниот директор на компанијата, Алберт Боурла, вели дека верува оти одобрувањето од Агенцијата за храна и лекови може да дојде веќе во октомври. Врз основа на ветувачките резултати од истражувањето во раната фаза објавено на 1 јули, Pfizer драматично ги зголеми проекциите за бројот на дози што ќе ги произведе оваа година, на 100 милиони. Борула исто така откри дека компанијата започнала трговски разговори со владите ширум светот за тоа колку дози ќе добијат.

Борула е толку убеден дека неговиот глобален фармацевтски гигант е на вистинскиот пат, па решил дека компанијата ќе започне со производство на вакцината пред да добие одобрение од ФДА. Тоа е потег исто толку ризичен, колку што е невообичаен. 

Вакцината на Pfizer се развива со нивниот германски партнер за биотехника BioNTech, користејќи нов пристап базиран на генетика. Боурла признава дека ниту една таква вакцина досега не била одобрена за да се спречи инфективно заболување.

Pfizer е предвидено да започне големо клиничко испитување подоцна во јули, во кое ќе бидат вклучени 30.000 луѓе на 150 локации до крајот на тест периодот. 

Боурла (58), кој е роден во Грција и се обучувал да биде ветеринар, пред да се вработи во оваа компанија, секако дека планира да одреди цена за вакцината која би носела профит, но верува дека владите треба да ги распределат првите дози на најранливите земји и тоа да биде бесплатно. 

Што покажаа податоците што Pfizer и BioNTech ги објавија на 1 јули?

Дека вакцината кај луѓето создава многу стабилен имунолошки одговор кај сите лица што ја примиле вакцината. И тие одговори беа во можност да го убијат вирусот. Всушност, оваа вакцина може да го неутрализира вирусот.

За мене, беше моментот кога ги видов податоците, плус многу други податоци што сè уште не сме ги објавиле. Тоа ме натера да размислувам дали имаме вакцина. Сега, пак, зборувам за тоа кога ќе имаме вакцина“, рече Боурла. 

Според него, ќе знаеме дали вакцината е добра кога ќе ја имаме последната студија. 

„Имаме многу индикации кои ме прават да се чувствувам дека навистина ќе успееме. Во септември ќе имаме доволно податоци за да кажеме дали вакцината функционира или не. И да го доставиме тоа до ФДА. Значи, за потенцијално одобрување во октомври, ако имаме среќа. Тоа е изводливо“, вели Боурла.

Ако вакцината се покаже успешна, односно доколку ние сме убедени во тоа, дека е ефикасна и безбедна, и доколку и ФДА е убедена во тоа, ќе имаме веќе произведени дози кои ќе бидат лесно достапни, објаснува првиот човек на компанијата.

„Наскоро ќе започнеме со производство на вистинска вакцина. Се уште не го правиме тоа затоа што чекаме, но има многу фази“, објаснува Боурла. 

На новинарското прашање дека компанијата има инвестирано над една милијарди долари во ова, па што ако ФДА ја одбие вакцината, тој одговара дека тоа се само пари што ќе бидат изгубени.

фото: TIME

Можеби ќе ве интересира

КРИЗА ВО БЕЛОРУСИЈА: Светлана Тихановскаја избега во Литванија

КРИЗА ВО БЕЛОРУСИЈА: Светлана Тихановскаја избега во Литванија

Се преселила во Норвешка и објасни зошто не сака да се врати дома

Се преселила во Норвешка и објасни зошто не сака да се врати дома

Да се спроведат масовни тестирања, бара Европската агенција за инфективни болести

Да се спроведат масовни тестирања, бара Европската агенција за инфективни болести

Eксперти открија што имало во пристаништето во Бејрут

Eксперти открија што имало во пристаништето во Бејрут

Русија денеска прва во светот ја регистрираше вакцината против коронавирусот, Путин ја објави веста

Русија денеска прва во светот ја регистрираше вакцината против коронавирусот, Путин ја објави веста

ОН: Либан две и пол недели без леб

ОН: Либан две и пол недели без леб

(ВИДЕО) ТЕОРИИТЕ НА ЗАГОВОР НЕ СЕ ТОЧНИ: Лекар трчаше 35 километри носејќи маска

(ВИДЕО) ТЕОРИИТЕ НА ЗАГОВОР НЕ СЕ ТОЧНИ: Лекар трчаше 35 километри носејќи маска

До крајот на годината ќе има вакцина за коронавирусот?

До крајот на годината ќе има вакцина за коронавирусот?

(ВИДЕО) КРВАВИ ПРОТЕСТИ ВО БЕЛОРУСИЈА: Една жртва и стотици повредени

(ВИДЕО) КРВАВИ ПРОТЕСТИ ВО БЕЛОРУСИЈА: Една жртва и стотици повредени