ЌЕ БИДЕ ЛИ ДОБАР КОНТРОЛОР НА ТРОШЕЊЕТО НАРОДНИ ПАРИ: Ацевски седнува на челното столче во ДЗР

Добивај вести на Viber

По речиси две години обезглавеност на клучната институција што го контролира трошењето на народните пари партиите најдоа компромис и одлучија тоа да биде Максим Ацевски.

Ацевски доаѓа од местото помошник на главниот државен ревизор, а одреден период бил и основач и овластено лице на Здружението на финансиските работници на локалната самоуправа и јавните претпријатија од Велес. 

Пред Ацевски сега е голем предизвик. Тој застанува на чело на институцијата чувар на јавните пари.

Повеќето од кандидатите кои беа пријавени, се кадар од внатре од заводот, а на 4 октомври, заврши и мандатот и на заменикот во ДЗР, Насер Адеми.

Ако не се назначеше главен ревизор, институцијата ќе останеше комплетно блокирана, немаше да може да објавува извештаи, па дури и вработените немаше да можат да земаат плата.

Државниот завод за ревизија е Врховна ревизорска институција која е формирана да обезбеди независна контрола на наменското и законското трошење на средствата на даночните обврзници како и да му обезбеди поддршка на Собранието на РСМ во исполнувањето на неговите надлежности, преку идентификација и презентација на неправилности, случаи на незаконско работење и можни случаи на корупција и злоупотреба на функција.