ЌЕ БИДЕМЕ ЛИ ОД УТРЕ СЛОБОДНИ, ИЛИ ПАК СО ПОЛИЦИСКИ ЧАС - Комисијата го има последниот збор
Објавено во: Македонија 07 Јуни, 2020
Според најавите од министерот за здравство Венко Филипче, нјверојатно денеска или најдоцна до утре, комисијата за заразни болести треба да излезе со предлог за тоа како да се дејствува понатаму во земјава.
Клучната одлука што ќе треба да се донесе е дали од утре ќе биде потребно да продолжи полицискиот час.
Некои најави говорат дека полициски час најверојатно ќе нема, но ќе зајакнат контролите за тоа колку се почитуваат мерките за заштина од коронавирусот. Ова значи проверки дали се носат маски во затворени простории, но и на отворено каде што не може да се одржи потребната физичка дистанца.
Но, се ќе зависи од тоа какви бројки за новозаболени ќе доаѓаат во следниве денови. Ако се тие поволни, ќе се оди и на други олабавувања, а меѓу нив се размислува и за отворање на хотелите.
Инаку, на својата последна пресконференција одржана во петокот, министерот Филипче најави дека од понеделник најверојатно повторно нема да има полициски час. Но, како што и самиот нагласи, тоа го вели со резерва, бидејќи конечната одлука ќе се донесе или денеска, или во понеделник наутро, од страна на Комисијата за заразни болести.
Причина за ова може да биде што најголемиот број од новозаболените се со лесни симптоми, што покажувало дека вирулентноста на вирусот слабее, и дека нема да се случи опасното сценарио, односно да се пренатрупаат болниците со пациенти.
А во последните 24 часа, по направени 1085 тестирања, регистрирани се 125 нови случаи на ковид-19.