Ќе дознае ли Бутел дали дише загаден воздух?
Објавено во: Македонија 13 Март, 2018
Општина Бутел денес ќе добие мерната станица за следење на квалитетот на воздухот. Новата мерна станица е дел од континуираната поддршка на Европската Унија во секторот за квалитет на воздухот, која се реализира во тесно партнерство со националните власти.
На промоцијата на овој настан, кој е дел од кампањата „ЕУ за тебе!“, се очекува да присуствуваат Амбасадорот Самуел Жбогар, министерот за животна средина и просторно планирање, Садула Дураки, градоначалникот на Скопје, Петре Шилегов, како и градоначалникот на општина Бутел, Велимир Смилевски.
ЕУ исто така обезбеди специјализирано возило за вршење редовно калибрирање и услуги за одржување, како и одреден број инструменти за да се подобри следењето на квалитетот на воздухот во земјата. Корисник на овој проект е Министерството за животна средина и физичко планирање во вкупна вредност од 272.000 евра.