ЌЕ ГИ ГЛЕДА ДОКАЗИТЕ: Јанева на трето соочување пред Рускоска
Објавено во: Македонија 26 Септември, 2019
По трет пат поранешната специјална обвинителка Катица Јанева ќе се најде од спротивната страна на Вилма Рускоска.
Таа денеска ќе направи увид во доказите со кои ОЈО ја сомничи за трета осомничена во случајот „Рекет“.
Одбраната на Катица побара изегување од притвор на нивната клиентка со образложение дека истрагата е веќе завршена.
Aдвокатите рекоа дека осомничената ќе достави гаранција до судот со која ќе се бара ослободување од притвор .
Во меѓувреме за јавноста е објавено целосното решение за разрешување на Јанева од страна на Советот на јавни обвинители на ден пред истекот на нејзиниот мандат поради незаконито, нестручно и несовесно вршење на функцијата. Јанева е осомничена за кривично дело - злоупотреба на службената положба и овластување во предметот познат како „Империја“
Инаку , истрагата за Рекет е завршена, но само во делот поврзан со случајот Империја. Се уште се истражува пак дали Боки 13 ги рекетирал бизнисмените преку неговата невладина организација Меѓународен сојуз. Сега се чека обвинение и почнување на судскиот процес.