Добивај вести на Viber
Собранието и претседателот Ѓорге Иванов завршиле со амнестии.
Ова го изјави денеска премиерот, Зоран Заев.
За тоа дали Иванов, кој има уште околу два месеци од неговиот втор претседателски мандат, може да даде уште една амнестија за истрагите што ги води СЈО против актуелни и екс функционери на ВМРО-ДПМНЕ и ДУИ, Заев рече дека со амнестиите заврши.
„И таа за 27 април која беше донесена преку Собранието беше во знак на помирувањето и јас стојам зад тоа. Собранието не може во овој момент да се впушта во нови амнестии. Не може ни Министерството за правда, иако има ингеренции. Не може ниту која било друга институција, па ни претседателот Ѓорге Иванов. Тоа впрочем го пишува и во законите, отворете ги и уверете се дека таа можност тој ја нема“, рече Заев.
Заев изјави дека Законот за амнестија на обвинети за настаните од 27 април, беше донесен во моменти кога беше потребно двотретинско мнозинство за уставните измени.