ЌЕ ИМА ЛИ ПОСКАПУВАЊЕ: Цената на нафтата во драматичен скок
Објавено во: Економија 18 Февруари, 2019
Ќе има ли поскапување на цените, прашуваат економистите откако драстично скокна цената на нафтата.
Вредноста достигнала најниско ниво од ноември минатата година, бидејќи членките на ОПЕК се придржуваат до договорот за намалување на производството. А Саудиска Арабија најави кратења во производството.
На лондонскиот пазар цената на барелот минатата недела скокна за 6,8 отсто, на 66,25 долари, додека на американскиот пазар барелот поскапел 5,5 отсто, на 55,60 долари.
На скокот на цените на нафтата влијаеле членките на Организацијата на земјите извознички на нафта и нивните партнери на чело со Русија. Тие се придржуваат до договорот според кој се обврзаа да го намалат производството за 1,2 милиони барели дневно.
На дополнителното зголемување на цените ќе влијае затворањето на саудиското поле Сафанија, најголемото нафтено поле на море со производствен капацитет нешто поголем од милион барели дневно.