Ќе има ли скоро договор за повисока минимална плата?
Објавено во: Економија 02 Август, 2019
Течат преговорите за пораст на минималната плата, синдикатите се за, а бизнисот е резервиран.
Продолжуваат разговорите за ново зголемување на минималната плата. Во договор со сите социјални партнери, ќе се најде решение кога и за колку ќе биде зголемена минималната плата.
Премиерот Зоран Заев неодамна изјави дека е уверен дека минималната плата во државата, ќе се покачи на повеќе од 13 илјади денари преку елиминирање на плаќањето на дел од платата во кеш, но и со помагање од страна на државата преку придонесите за сите кои ќе одлучат да ги зголемат платите на своите работници.
Премиерот Заев посочи дека околу 35 отсто од платите во државата се дава на рака и во кеш и додаде дека Владата во моментов прави анализи за елиминирање на плаќањето во кеш што ќе ги објави кон крајот на август или на почетокот на септември, поради што, како што рече, доцни зголемувањето на минималната плата што беше најавено за јули.