Ќе има пресврт за климатските промени
Објавено во: Свет 21 Септември, 2019
Активистка за климата, Швеѓанката Грета Тунберг, вчера изрази надеж дека општеството дојде до „пресврт“.
Таа вели дека се радува доколку се бројат со милиони луѓето кои излегле на протести.
„Се надевам дека ќе биде пресвртна точка за општеството, бидејќи гледаме колку луѓе се подготвени да извршат притисок врз политичарите, особено пред самитот за климата на ОН следната недела во Њујорк“, рече Швеѓанката.
Протестите започнаа на пацифичките острови, кои се најмногу изложени на ризик од зголемувањето на нивото на морето и во Австралија, каде што се одржаа масовни демонстрации низ целата земја, од поголемите градови како Мелбурн и Сиднеј до помалите градови како Алис Спрингс. Потоа протестите се проширија во Јапонија, Југоисточна Азија, Европа, Африка и Блискиот исток.
Стотици илјадници ученици, студенти и работници денеска излегоа на улиците на градовите низ целиот свет, од Азија до Европа, како дел од глобалниот штрајк со кој ги повикуваат светските лидери кои ќе присуствуваат на самитот за климата на ООН да преземат итни мерки за да спречат климатска катастрофа.