Ќе ја достигне ли Заев платата од 500 евра по последните економски параметри?
Објавено во: Економија 08 Јуни, 2019
Драган Тевдовски, министерот за финансии, вели дека проекцијата за економски раст на македонската економија може да биде надмината во 2019 откако вчера беше објавено дека кварталниот раст на БДП изнесува 4,1 отсто, додека невработеноста е намалена на 17,6 отсто.
– Тука се гледа влијанието на порастот на платите и зголемената вработеност. Според последните податоци платите во март пораснале за 3,8 проценти, што се надоврзува на рекордно високиот раст од 5,9 проценти во 2018 година. Имаме сериозни мерки за поддршка со цел платите да растат, а фирмите да ја зголемуваат продуктивноста. Нашата цел е луѓето да бидат вработени и добро платени. И покрај тоа што не критикуваа дека дел од нашите политики ќе предизвикаат отпуштања, бројките јасно покажуваат дека вработеноста напротив расте, а воедно и платите, нагласува Тевдовски.
Министерот додава дека, меѓудругото, тоа е високо зголемувае и дека воедно е и резултат на активните мерки на Владата. Во Буџетот за 2019 година предвидени се 1,1 милијарда денари за мерки за вработување, се наведува во соопштението на министерството за финансии.