29 Февруари, 2020
0.0252

Ќе може ли МЖ Транспорт да вози со багаж тежок 55 милиони евра?

Објавено во: Економија 08 Ноември, 2018

Како да мрдне МЖ Транспорт од слепиот колосек. На крај на 2017 година компанијата има акумулирана загуба што надминува 55 милиони евра и обврски кои изнесуваат 84 милиони евра. Може ли Владата да го издржи субвенионирањето и да ја спаси оваа компанија во која давањето пари е како бунар без дно?

Државниот монопол за железнички транспорт „Македонски железници – Транспорт“ има акумулирана загуба која надминува 55 милиони евра, а само 8,2 милиони евра се загуба што компанијата ја направича во своето работење лани, покажуваат официјалните податоци на „Македонски железници Транспорт“.

Овие официјални податоци од завршната сметка на компанија ја отежнуваат и така многу сложената состојба на компанијата и ја влошуваат преговарачката позиција на Владата при барање купувач или стратешки партнер за единствената транспортна железничка компанија во земјава.

Билансот на успех покажува дека „МЖ Транспорт“ лани имала приход од 18,5 милиони евра. Нејзиниот приход во споредба со 2016 година лани е помал за нешто повеќе од 1 милиони евра. Многу е значајно тоа што од вкупните приходи малку повеќе од 11 милиони евра се приходи од продажба, а 7,5 милиони евра се останати приходи што всушност значи дека се дотации или субвенции од Владата преку Министерството за транспорт. 

Расходите на МЖ Транспорт лани достигнале 27 милиони евра и тие во однос на 2016 година се намалени за 4,2 милиони евра. Најголеми расходни ставки на компанијата се расходите со карактер на материјални трошоци и тие изнесуваат околу 9 милиони евра. Трошоците за вработените лани биле 8,22 милиони евра . Ова значи дека субвенциите од Владата се одвај доволни да ги покријат трошоците што компанијата ги има за своите вработени. Трошокот за вработени лани во однос на 2016 година бележи пад и тој е понизок за 300.000 евра.

МЖ Транспорт лани успеал да ја намали загубата во споредба во 2016 година за 3 милиони евра, но компанијата не работи одржливо и создава загуби.

Дополнително отежнувачки е тоа што компанијата на крај на 2017 година имала обврски во износ од 84 милиони евра, од кои нешто помалку од 40 милиони евра се долгорочни обврски, а другото се краткорочни обврски на компанијата. Обврските спрема кредиторите се 8 милиони евра. 


Р.Ф.

Можеби ќе ве интересира

Заменик-министерката Шкриељ ги повика центрите за социјална работа да бидат побрзи од медиумите

Заменик-министерката Шкриељ ги повика центрите за социјална работа да бидат побрзи од медиумите

ВМРО-ДПМНЕ ќе основа ново министерство ако дојде на власт

ВМРО-ДПМНЕ ќе основа ново министерство ако дојде на власт

ТРЕТ КВАРТАЛ ОД 2019: Ова се движењата кај останатите финансиски институции

ТРЕТ КВАРТАЛ ОД 2019: Ова се движењата кај останатите финансиски институции

НАВАЛЕТЕ НА ПОЕВТИНА СТРУЈА - рокот да одберете снабдувач на слободниот пазар е до 31 март

НАВАЛЕТЕ НА ПОЕВТИНА СТРУЈА - рокот да одберете снабдувач на слободниот пазар е до 31 март

Заев: Просечна плата од 600 евра во новиот мандат

Заев: Просечна плата од 600 евра во новиот мандат

АКЦИИТЕ НА „АЛКАЛОИД“ МЕЃУ НАЈТРГУВАНИТЕ: Како компанијата ја изработе 2019 ?

АКЦИИТЕ НА „АЛКАЛОИД“ МЕЃУ НАЈТРГУВАНИТЕ: Како компанијата ја изработе 2019 ?

„Алкалоид“ со раст на добивката во 2019

„Алкалоид“ со раст на добивката во 2019

УНИ Банка здраво гази, растат нето приходите од камати и надоместоци

УНИ Банка здраво гази, растат нето приходите од камати и надоместоци

Од следната година повеќе пари за општините од јаглен, мермер, минерална вода...

Од следната година повеќе пари за општините од јаглен, мермер, минерална вода...