ЌЕ НЕМА КОМПИРИ, САЛАТИ, ПУКАНКИ, СТАКЛЕНИ ШИШИЊА ЗА ПИВО: Се заканува невидена криза на популарни прехрамбени продукти
Објавено во: Економија 21 Јуни, 2022
Во текот на изминатите неколку месеци, многу навидум
случајни намирници во продавниците станаа ужасно скапи или невообичаено тешко
да се најдат, објави Блумберг во неделата, истакнувајќи дека компаниите се
борат да најдат алтернативи што ќе им ги понудат на своите клиенти.
Проблемот се припишува на растегнатиот глобален синџир на снабдување, со низа фактори, од неповолни временски услови и пандемијата на корона вирусот до геополитичките тензии и зголемена побарувачка, кои придонесуваат за проблемот.
Германија се соочува со недостиг од шишиња за пиво, делумно поради војната во Украина, која ги снабдува пиварите со стакло. Националните пиварници, кои веќе плаќаат повеќе за струја и јачмен, ги повикуваат клиентите да ги вратат празните шишиња, пишуваат медиумите.
Во Соединетите Држави, пуканките станаа извор на загриженост за кинољубителите бидејќи фармерите размислуваат да се откажат од пченката во корист на попрофитабилните култури.
Проблемите не го поштедија ниту зеленчукот, а недостигот на зелена салата во Австралија го натера KFC да стави зелка во бургерите. Во Велика Британија, Мекдоналдс мораше да рационализира домати, користејќи едно парче наместо две, поради недостиг. Гигантот за брза храна исто така мораше да престане да продава голем помфрит во неколку земји поради бавната испорака и глобалниот недостиг на компири.
Во меѓувреме, рестораните KFC во Сингапур, наводно, го замениле помфритот со некаква мешавина од вафли. Во Кенија, корисниците на социјалните мрежи повикаа на бојкот на синџирот за брза храна бидејќи не користат компири од локално потекло. Недостатокот на производи ја погоди и Јапонија, што доведе до тоа рестораните да повлечат одредени јадења од своето мени.
Како што истакна Мадхав Дурба, потпретседател за стратегија за синџирот на снабдување во Coupa Software, деловните лидери треба повторно да размислат од каде да увезуваат стоки. Тој изјави за Bloomberg дека, преку нови технологии и подобро планирање, тие можат да ги намалат потенцијалните доцнења, изгубените приходи и „постојаното гаснење пожари“ за да се справат со недостигот.