Ќе прават најголема поморска воена вежба на три мориња
Објавено во: Балкан 02 Март, 2019
Најголемата поморска воена вежба на три мориња ја прави Турција.
Четири дена ќе трае вежбата „Сина татковина“, која вклучува 103 воени бродови, почна во средата истовремено во Црното Море, Егејското Море и во источниот Медитеран.
Медиумите потсетуваат дека во спорното подрачје на источниот Медитеран, кај брегот на Северен Кипар, се откриени големи наоѓалишта на гас. Се очекуваат нови тензии со Грција.
Турција го вознемири и НАТО, објавувајќи во вторникот дека потпишала спогодба со Русија за купување противракетни системи С-400, наспроти американските напори да ја убеди да го купи нивниот систем „Патриот“.