Ќе се бара интерпелација за Џафери
Објавено во: Македонија 16 Март, 2018
Првиот човек на ВМРО-ДПМНЕ, Христијан Мицкоски во гостувањето на Алфа телевизија изјави дека сите што го прекршија Уставот, законите и деловникот при донесувањето на Законот за јазиците ќе одговараат за нивните постапки.
ВМРО-ДПМНЕ ќе поднесе кривична пријава за сите оние коишто беа соучесници во овој процес.
„Првиот чекор ќе биде интерпелација за господинот Талат Џафери кој што ја узурпира функцијата претседател на Собранието на Република Македонија и не ја заслужува бидејќи не е достоинствен претседател за сите граѓани во Република Македонија. Има многу причини зошто. Најмалку пет причини, иако моите соработници тврдат дека се повеќе од 10-тина, неговиот начин како го прекрши Деловникот, како ги прекрши Законите, како го прекрши Уставот при обидот да биде донесен овој неуставен и неприменлив закон“ - вели Мицкоски.
Тој смета дека сторителите на овој срамен чин треба да ги сносат последиците.