Ќе се дознае ли составот на новиот владин кабинет пред Заев да биде реизбран за лидер на СДСМ?
Објавено во: Македонија 26 Мај, 2017
Сите очи се вперени во мандатарот Зоран Заев.
Јавноста очекува денеска да се соопшти составот на идната влада а за токму тоа Заев рече дека се залагаат сите партии кои се дел од мнозинството.
Првиот човек на СДСМ искажа оптимистични ставови и на средбата во Брисел откаде што посочи дека на почетокот на наредната седница Македонија ќе ја има новата влада.
Заев најави дека предлогот за формирање на нова влада до Собранието ќе го проследи до крајот на оваа недела и дека дебатата на таа тема може да трае најмногу 48 часа.
Викендов пак идната владеачка партија го одржува 22 от Конгрес.
СДСМ најави дека изборот на новот партиски лидер ќе се одржи утре во скопскиот хотел „Александар Палас“.
Актуелниот мандатар моментално е единствен кандидат пријавен за лидер на СДСМ со што е извесно дека Заев ќе ја добие поддршката од 700 делегати и ќе биде реизбран за лидер на партијата.