Ќе се запише во историјата: Нема да произведуваат повеќе мотори со внатрешно согорување
Објавено во: Економија 06 Декември, 2018
Фолксваген во 2026 ќе ја произведе последната генерација на возила со мотори со внатрешно согорување, објави главниот стратег на германскиот автомобилски гигант Михаел Јост.
"Во 2026 година ќе биде направен последниот производ со такви мотори", истакна Јост. Најпродаваниот бренд на патнички автомобили во Европа и Кина, ќе продолжи да се фокусира на производство на електрични автомобили, пренесува Ројтерс.
Јост рече дека VW ќе продолжи да ги прилагодува своите бензински и дизел мотори за да се исполнат стандардите за животната средина во текот на животниот век на овие возила и дека германската компанија сега е посветена на радикални мерки за да се запре глобалното затоплување.
Volkswagen има развиено стратегија за пренасочување кон бизнисот со електрични автомобили по скандалот од 2015 година со манипулациите со нивото на испуштање на штетни гасови.
Поради скандалот, компанијата мораше да плати повеќе од 27 милијарди евра парична казна за криење прекумерно загадување.