Ќе стартува зимското сметање на времето
Објавено во: Македонија 22 Октомври, 2019
Промената на времето од летен на зимски режим ќе се случи викендов.
Меѓу 26 и 27 октомври односно утрото меѓу сабота и недела луѓето ќе треба стрелките на часовникот да ги поместат за 1 час назад. Во 3 часот наутро, часовникот се враќа еден час назад и ќе биде 2 часот, што значи денот ќе трае 1 час повеќе.
Со оглед дека ЕУ планира да го укине поместувањето од октомври 2021 година, ова е најверојатното претпоследно преминување од летен во зимски мод.
Преминувањето на летно и зимско сметање на времето првпат е забележано во 1916 година, во земјите на северот на Европа, а досега е воведено во околу 70 земји, за да се заштеди енергијата со тоа што периодот на дневната светлина од раните утрински часови ќе се „премести“ навечер.