ЌЕ СТРАДА СВЕТСКАТА ЕКОНОМИЈА: ММФ даде прогноза што ќе донесе зголемувањето на цената на нафтата

Добивај вести на Viber

Зголемувањето на цената на нафтата може да има негативен ефект врз целата светска економија. 

Директорката на Meѓународниот монетарен фонд(ММФ), Кристалина Георгиева, изјави дека, по нападите на САД врз Иран, ММФ внимателно ги следи цените на енергијата и предупреди дека порастот на цените на нафтата може да има негативен ефект врз целата светска економија.

Вели дека ова може да доведе до секундарни и терцијарни влијанија, објави „Блумберг“, пренесува „Гардијан“.

„Може да има секундарни и терцијарни влијанија“, рече таа. 

Иранскиот парламент гласаше за затворање на виталниот бродски канал низ Ормутскиот теснец за викендот, како одмазда за нападот на Доналд Трамп врз земјата. Една петтина од светската потрошувачка на нафта тече низ Ормутскиот Залив, кој го поврзува Персискиот Залив со Оманскиот Залив и Арапското Море понатаму.

Доколку теснецот се затвори, тоа би можело да создаде шок во снабдувањето со нафта што ќе ги зголеми цените на енергијата, ќе ја зголеми инфлацијата и ќе го погоди економскиот раст.

Цената на нафтата првично се зголеми за повеќе од 5 отсто доцна во неделата на петмесечен максимум од 81,40 долари (60,58 фунти), но подоцна се намали. Во понеделник, суровата нафта Брент се намали за речиси 1 отсто, на нешто над 76 долари за барел.

Цената би можела да достигне 110 долари за барел ако нафтата што тече низ критичниот воден пат се преполови за еден месец.

Американскиот претседател Доналд Трамп денеска изјави дека никој не треба да ги зголемува цените на нафтата и нагласи дека ја следи ситуацијата. Тој апелираше и до Министерството за енергетика на САД да продолжи со потрагата по сопствени нафтени ресурси.