Клучни моменти, сѐ се поклопува со телефонот: Еве што му се случило на Матеј ноќта на неговото исчезнување

Добивај вести на Viber

Реконструкцијата решила се?

МВР на Србија вчера попладнево се огласи за случајот со исчезнувањето на Матеј Периш, младиот сплитќанец, по кој веќе 14 дена се трага во Белград. Исто така, објавена е целосна реконструкција на настаните од таа ноќ (30 до 31 декември 2021 година), а објавени се и сите снимки од надзорните камери.

Одлучено е да се направи ваква реконструкција за да се запрат дезинформациите, особено откако изминативе денови на социјалните мрежи беа објавени различни снимки од Матеј Периш.

Полициски службеници прегледале стотина часовни материјали, снимки од сите надзорни камери од трасата на движење на Перис и околината, од моментот на напуштање на правец на Бетон хол во 1.43 часот до моментот на спуштање кон Сава, во 1.52 часот. каде му се губи секаква трага.

Големо внимание на јавноста привлече и видеото на кое се гледа како нешто лебди или плива во реката Сава. Се наведуваше дека се работи за Матеј Периш, а од друга страна се шушкаше дека се работи за некаков предмет. Се шпекулираше и дека видеото можеби не е направено ноќта на исчезнувањето на Матеј.

МВР со денешната презентација ја реши оваа дилема. Полицијата на видеото објавено на Јутјуб каналот на МВР на Србија вели дека Матеј кружел околу ресторанот „Саванова“, по што продолжил да се движи кон шеталиштето и реката.

Со лоцирањето на телефонот на Матеј, индикативно било движењето на еден предмет во Сава, а од МВР додаваат дека времето и рутата на движење на објектот во Сава се поклопиле со движењето на телефонот на Матеј.

Друга слика направена на 31 декември 2021 година, на 2 часа и 5 минути по полноќ, покажува објект што се движи преку реката кон Големиот воен остров. Од МВР додаваат дека е прегледан целиот расположлив видео материјал од новобелградската страна и кон Панчевскиот мост, но дека Матеј не бил забележан.