Коалицијата на Мицкоски доби ново име
Објавено во: Македонија 21 Октомври, 2019
Лидерот на ВМРО-ДПМНЕ, Христијан Мицкоски по завршување на вечершната средба со коалиционите партнери изјави дека ги информирал за лидерската средбa, како и тоа дека по негов предлог го смениле името на коалицијата.
„Предложив Коалицијата за подобра Македонија да се преименува во Коалиција за обнова на Македонија и тоа беше едногласно прифатено. На Македонија и е потребна обнова“, рече Мицкоски.
На лидерската средба кој се одржа на иницијатива на претседателот на државата, Стево Пендаровски поради негативниот исход од состанокот на Европскиот совет во Брисел е постигната согласност за одржување на предвремени парламентарни избори на 12 април.