23 Мај, 2019
0.0227

Коѕијас би го потегнал Заев за уши за изјавата за македонски јазик

Објавено во: Балкан 06 Декември, 2018

Поранешниот грчки министер за надворешни работи, Никос Коѕијас во интервју за грчката телевизија Анетна кажа што би направил доколку беше член од грчката Влада за изјавата на премиерот Зоран Заев за изучување македонски јазик во Грција.

„Ќе го потегнев за уши на сите начини, и од НАТО, од Европската унија и од Нимиц. Нимиц се активираше и добро направи и го потсети дека прекршува две точки од Времената спогодба и од Договорот од Преспа“, вели Коѕијас, јави дописничката на МИА од Атина..

Тој додаде дека две работи се важни во Договорот од Преспа и го прочита членот од договорот дека ниту една од земјите нема да се меша во внатрешните работи на другата страна.

„За тоа кој јазик ќе се изучува во Грција е во наша надлежност. Не е нивна работа“, рече Коѕијас и додаде дека второто е да се промени членот 49 во македонскиот Устав.

Поранешниот шеф на грчката дипломатија во друг дел од интервјуто рече дека во изјавите на Заев, тој не нашол нешто што има врска со македонско малцинство, но констатирал дека во однос на јазикот има прекршување на два параграфа.

Коментирајќи го ставот на лидерот на Нова демократија, Кирјакос Мицотакис, дека Заев со изјавата ја отворил Пандорината кутија, Коѕијас рече дека опозицијата не треба да се води по толкувањата дадени од Скопје.

„Се наоѓаме во процес на ратификација. Не е добро опозицијата да ги прифаќа толкувањата што ги дава некој или некои во Скопје, бидејќи битката е и за да составиш договор, но и за да го толкуваш“, вели Коѕијас, пренесе МИА.

Коѕијас во интервјуто за ТВ Антена изрази сигурност дека Договорот од Преспа ќе помине во грчкиот Парламент, а за ставовите на коалицискиот партнер во грчката Влада, истакна дека не рекол дека ќе ја турне Владата, „бидејќи знае дека не може“ и додаде дека според него, Каменос е „последниот што би сакал да има избори бидејќи можеби нема одново да биде избран“.

Изјавата на Заев поттикна реакции во Грција. Нема да прифатиме своеволни толкувања на Договорот од Преспа, изјави претседателот на Грција, Прокопис Павлопулос деновиве. 

Јоргос Кумуцакос од Нова демократија, ја повика Владата да преземе мерки и побара да не се продолжи со ратификација на преспанскиот договор.

Од опозициската партија постојано повторуваат дека нема да гласаат за ратификација на договорот ни во овој ниту во некој иден состав на грчкиот парламент.

Можеби ќе ве интересира

„Вашингтон пост“: ЕУ излажа, а владите и народите во регионот се бесни

„Вашингтон пост“: ЕУ излажа, а владите и народите во регионот се бесни

НЕВЕРОЈАТЕН СКОК ВО РЕГИОНОТ: Квадрат чини 5.000 евра

НЕВЕРОЈАТЕН СКОК ВО РЕГИОНОТ: Квадрат чини 5.000 евра

ДОШЛЕ ПО РАБОТА: Се создаде бразилска колонија во регионот?

ДОШЛЕ ПО РАБОТА: Се создаде бразилска колонија во регионот?

Илир Мета објасни дали е потребно обединување на Албанците

Илир Мета објасни дали е потребно обединување на Албанците

(ВИДЕО) Борисов го извози Ципрас во џип: Го поздравија населението каде што ќе поминува интерконекторот за гас

(ВИДЕО) Борисов го извози Ципрас во џип: Го поздравија населението каде што ќе поминува интерконекторот за гас

АКО ЛЕТУВАТЕ ВО ЦРНА ГОРА: Ова се цените на лежалка, кафе, брза храна

АКО ЛЕТУВАТЕ ВО ЦРНА ГОРА: Ова се цените на лежалка, кафе, брза храна

Два силни земјотреси на Балканот

Два силни земјотреси на Балканот

Опасен криминалец се крие во соседството

Опасен криминалец се крие во соседството

За 16 месеци исчезнале над 400 деца

За 16 месеци исчезнале над 400 деца