Kога Грција ќе испрати писма до ЕУ и НАТО?
Објавено во: Балкан 22 Јуни, 2018
Писмата ќе бидат потпишани во недела од шефот на грчката дипломатија, Никос Коѕијас, а во понеделник наутро ќе бидат испратени до ЕУ и НАТО, дека Грција нема да се противи за европска и евро-атлантска интеграција на Македонија.
Ова го кажа Коѕијас, говорејќи пред новинарите на крајот од Конференцијата за стабилност и безбедност на грчкиот остров Родос.
Како што јави дописничката на МИА од Атина, министерот за надворешни работи на Грција, рече дека минатиот петок, пред потпишувањето на договорот, без да биде обврзан, испратил писмо до генералниот секретар на НАТО, во кое го известува и ги поставува предусловите со кои треба да биде поврзана поканата за членство, односно оние услови што ги предвидува самиот договор.
Коѕијас потврди дека ја добил нотата од македонското МНР дека договорот беше ратификуван, а во понеделник Грција ќе го исполни нејзиниот дел од обврските.