Кога ќе се расправа за разрешување на Никола Груевски?
Објавено во: Македонија 18 Мај, 2019
Претседателот на собраниската Комисија за мандатно имунитетни работи, Павле Богоевски, иако претходно изјави дека в понеделник ќе се одржи состанокот за разрешување на пратеникот Никола Груевски, денеска тоа го одложил.
На пратеникот Никола Груевски, кој доби азил во Унгарија, по шестмесечното неоправдано отсуство, му следува разрешување.
Според Деловникот рокот за одржување на седницата на комисијата истекува првите денови од јуни.
Пратениците на ВМРО-ДПМНЕ бараа оставка од Богоевски по отворање на скандалот со неговата наводна набавка на кокаин или масло од канабис за медицински цели, што се слуша од „бомбата“ која ја објави Илија Громовник.
Претседателот на Собранието Талат Џафери не ја прифати иницијативата на 8-те независни пратеници доброволно да се спроведе нарко тестирање на пратениците.