Кога ќе стигне вакцината за коронавирусот, Кинезите почнаа да ја развиваат
Објавено во: Свет 26 Јануари, 2020
Кинескиот центар за контрола и спречување на болести почна да развива нов вид вакцина против коронавирусот, 2019-nCoV, кој предизвикува пневмонија.
Ова во свој напис го објави Чајна Дејли, а во него се наведува дека научниците во центарот успешно го изолирале вирусот и работат на избирање на вистинскиот сој на вирус за производство на вакцина.
„Истражувањето и развојот на вакцинат за новиот коронавирус, кој предизвика епидемија во Кина, е на пат“, рече Су Венбо, директор на Институтот за контрола на вирусни болести во центарот.
На 31 декември кинеските власти ја известија Светската здравствена организација за појава на епидемија на пневмонија од непознато потекло во градот Вухан, голем трговски и индустриски центар со 11 милиони жители. Патогенот, вирусот корона 2019-nCoV, беше идентификуван на 7 јануари.
На денешната прес конференција домашните здравствени власти изјавија дека според нивните очекувања, вакцината за коронавирусот би била готова дури за една година.