Кога просветните работници ќе ја добијат платата за јули?
Објавено во: Македонија 18 Август, 2018
Министерството за образование и наука информира дека платите за вработените во средното образование, се веќе на нивните трансакциски сметки, додека за платите на вработените во основното образование, ги спровеле сите потребни процедури.
Оттаму додаваат дека Министерството ги испратило сите потребни документи за исплата на платите до Министерството за финансии од каде што добиле повратна информација дека сé е подготвено за реализација на платите на вработените во основните училишта.
„Сега останува училиштата да ги продолжат понатамошните процедури за финансиски трансфери, така што платите на вработените ќе се пренесат на нивните трансакциски сметки. Наставниците и вработените во образованието се категоријата која дефинитивно заслужува посебно внимание не само од нас, како ресорно Министерство, туку и од сите други. Во контекст на платата, Министерството за образование и наука прават напори не само да се избегне доцнењето туку и наскоро да се направи зголемување на платите за вработените во основното и средното образование“- се наведува во соопштението на Министерството.
Од Независниот синдикат за образование денеска се пожали дека доцнат платите во образовниот сектор.