КОГА ЗАЛОГОТ СЕ БУГАРСКИОТ ИДЕНТИТЕТ, ИСТОРИЈАТА И ПРАВАТА НА БУГАРИТЕ, НЕ ТРЕБА ДА СЕ ОТСТАПИ - прва изјава на Радев по победата
Објавено во: Балкан 21 Ноември, 2021
„Имаме уште многу сериозни напори пред нас, но Бугарија излегува од стагнацијата и автократијата на патот на развојот, слободата и модернизацијата“, рече старо-новиот бугарски претседател во своето официјално обраќање по победата во вториот круг, заблагодарувајќи им се на оние кој го поддржа.
Според Радев, двата круга од претседателските избори овој месец ја покажуваат јасната желба на бугарскиот народ „да раскине со корупцијата, грабежот и беззаконието, да ја отстрани мафијата од власт“. Според него, и покрај огромните потрошени ресурси и лажните вести, статус кво не успеа да се врати на бел коњ, пренесуваат бугарските медиуми.
„Луѓето очекуваат да видат чисто парламентарно мнозинство за преземање итни реформи во судството, за да се спречи социо-економска криза во текот на зимските месеци, да се обезбедат оние кои имаат потреба, да се носат одлуки одложени со години“, рече реизбраниот претседател.
Тој укажа и дека борбата против пандемијата, како и преговорите со Република Северна Македонија (во кои не може да отстапи од националните позиции) се исто така клучни приоритети на државата
Всушност, како што рече, „новата Влада не треба од отстапи од националните позиции особено кога залогот е бугарскиот идентитет и историја и правата на нашите сонародници зад граница“. Тој на оваа тема, остана само на оваа една реченица, без да ја дообјасни или да изнесе други детали.