Кои се најбогатите тројца Словенци оваа година?

Добивај вести на Viber

Основачот на „Логин“ петта година по ред е прогласен за најбогат Словенец. Само Логин заедно со неговата сопруга Иза поседуваат богатство од 689 милиони евра, главно стекнато од хај-тек индустријата, пишува „Менаџер“ објавувајќи ја ранг-листата. Сопружниците имат уште еден бренд Outfit7AP - компанијата за видео-игри чии делумни сопственици и основачи се.

Вкупната вредност на средствата на стоте најбогати Словенци изнесува 5,7 милијарди евра, што претставува зголемување од 10 отсто во споредба со минатата година.

Вториот најбогат во Словенија е основач и мнозински сопственик на компанијата „Студио Модерна“ Санди Чешко со 334 милиони евра, познат по брендот „Дормео“ и други производи кои се продаваат на телешопинг.

На третата позиција е Марко Пистотник, уште еден поранешен сопственик на Outfit7, чиј имот се проценува на 210 милиони евра.

Во вкупната вредност на имотот на стоте најбогати Словенц една четвртина ја сочинуваат средствата кои се добиени откако се продала на компанијата во која тие биле сопственици или ко-сопственици.

Интересно е тоа што во првите десет повеќе не се познати „тајкуни“ како Јоца Печечник, претприемач чија компанија „Интерблок“ се проценува на 194 милиони евра и произведува таблети за игри на среќа, или Игор Акрапович, чија компанија произведува издувни системи за автомобилската индустрија и мотоциклите. Меѓу најбогатите не е Изет Растодер, кој сега е четириесетти, инаку познат по компанијата за увоз на овошје и затоа го викаат „кралот на бананите“.