Кои се најдобрите градови за живот во Европа?
Објавено во: Свет 20 Февруари, 2019
Данскиот град Копенхаген е прогласен за најдобар град за живот за Европејците.
Зад него, на второ место се наоѓаат градот Берн во Швајцарија, а третото место го делат градовите Женава и Хаг.
Градовите во Скандинавија, Холандија и Швајцарија се најбројни во топ 20 градови за европските емигранти. Ова го покажуваат податоците на консултантската куќа ЕЦА Интернешнал.
Единбург е единствениот британски град меѓу 20-те најдобри, а Абердин се наоѓа на 21 место.
Даблин и годинава се наоѓа меѓу првите десет градови, делејќи го деветото место со Гетеборг и Луксембург.
За споредба, лани главниот град на Австрија, Виена, по деветти пат е прогласен за метропола со најдобар квалитет на живот во светот, додека најнеквалитетно живеат во Багдад. До ваков заклучок дојде Меѓународната консултантска агенција „Мерсер“.фото Википедија