Кои се руските партизани, колку се и за што се борат?

Добивај вести на Viber

Ликвидирани се повеќе од 70 терористи во Белгородската област, тврдат властите во Москва. 

Во текот на антитерористичката операција во регионот Белгород уништени се украински нацистички формации, објави руското Министерство за одбрана, пренесува РТ Балкан.

„Дел од групата е протеран од Белгородската област на територијата на Украина, убиени се повеќе од 70 терористи, а уништени се четири пешадиски борбени возила и пет други возила“, објави Министерството за одбрана на Руската Федерација.

Москва објави утринава дека украинска диверзантско-извидувачка група вчера влегла на територијата на округот Граиворонск во областа Белгород и дека армијата и безбедносните сили на Русија ги преземаат сите мерки за нејзино елиминирање.

На тоа подрачје беше воведен режим на антитерористичка операција со кој се воспоставуваат посебни мерки и привремени ограничувања.

Има најмалку осум повредени цивили. Но, Киев се дистанцираше од настаните и рекоа дека Украина нема врска со тоа. 

„Гардијан“ објави дека протечените документи на Пентагон сугерираат дека руски доброволци се обучувани за инфилтрација во Белгород.

Легијата на слободата на Русија се опишува себеси како милиција против Кремљ која сака да ја ослободи државата од рускиот претседател Владимир Путин.

Снимката која се појави од нападот, наводно од граничниот контролен пункт во Грејворон, покажува жртви, вклучително и руски офицер како лежи со лицето надолу во локва крв покрај руските пасоши и другите документи расфрлани на земја. На видеото се гледаат и оклопните возила кои го освоија граничниот пункт.

Професорот Максим Каменјецки од Киевскиот институт за меѓународни односи во „Нов ден“ ги коментираше последните битки за Бахмут во Украина, како и ноќниот упад на руските партизани на руската територија Белгород.

Каменјецки истакна дека ова не е прв ваков упад, но е најголем, поради што предизвика огромно внимание.

„Настаните од синоќа не се прв ваков случај на украинско-руската граница. Тоа е веќе трет упад на руска територија на единици наводно на Руската Легија на слободата, руски доброволци, но овој пат размерите беа поголеми, што предизвика интерес. Не знам многу за воената стратегија, но мислам дека има четири причини за тоа што се случи од вчера – најверојатно тоа е обид да се одвлече вниманието на руските сили, да се привлечат во област далеку од битките на истокот и југот на Украина. Второ, би можело да биде одвраќање од насоката на нашата претстојна офанзива. Третата причина е да предизвика шок и незадоволство кај руското население, луѓето беа неподготвени. И четвртиот е можен удар на незаштитен дел од руската територија со цел да се нападнат руските војници од задната страна“, објасни професорот.

На прашањето што знаеме за руските партизани, Каменјецки објасни дека тие се дел од Легијата на странците:

„Дроновите, воздушните и други напади за таа област се секојдневие. Сепак, упадот на армијата на нивна територија предизвика шок и паника. Колумните на Интернет се реални бидејќи локалното руско и украинско население се обидува да ја напушти територијата. Што се однесува до Легијата на слободата, тие биле дел од Легијата на странците, а што се однесува до бројките, наводно има околу два баталјона во составот на Легијата на странците, тие се етнички Руси. Колку точно од нив го нападнаа Белгородскиот регион, Русите тврдат дека има околу 30, но јас се сомневам, веројатно се повеќе“, рече професорот.

Тој додава дека најверојатно се работи за психолошка игра.

„Најверојатно е обид за психичко влијание врз руската јавност. Таков упад нема веднаш да предизвика бунт низ цела Русија. Во Русија луѓето размислуваат поинаку, се индоктринирани, изложени на постојан притисок… Овие упади стануваат се посилни. Мислам дека тоа е некаква локална воена операција со цел да има психолошки ефект врз односот на руските граѓани кон владата“, додава Каменјецки.