Кој е Бошко Обрадовиќ кој му ги поматува сметките на Вучиќ?

Добивај вести на Viber

Толпа од демонстранти вчера во Белград упадна во просториите на државната телевизија РТС предводена од Бошко Обрадовиќ. 

Тој е српскиот пратеник на клерикално конзервативната партија Двери. При упадот во зградата Обрадовиќ не се воздржуваше ни од физичка пресметка со вработените, со цел во програмата да може да им се обрати на граѓаните.

Обрадовиќ пред две години стана ѕвезда чиј спомнат говор масовно се споделуваше по социјалните мрежи. 

Тој потекнува од Враниќ, село покрај Чачак, се школувал во Белград каде на Филозофскиот факултет студирал србистика. Во 1999 година со двајца колеги го стратува списанието Двери српске, кое со време ќе стане еден од водечките магазини за национална култура.

Во 2003 година основано е и здружението Српски сабор Двери, една од најактивните и најгласни организации во Србија чии главни насоки се национализмот, евроскептицизмот и антиглобализмот.

Една година претходно Обрадовиќ дипломирал на темата „Милош Црњански и новиот национализам“, за потоа да работи во издаваштво, да објави неколку книги и стотици текстови на темата на српскиот национализам. Двери се спротивставија на независноста на Косово, и го негираа геноцидот во Сребреница. 

На вонредните избори во мај 2016 година Двери, сега веќе политичка партија, освоија седум мандати и Обрадовиќ стана пратеник.

Во текот на октомври 2017 кога го објаснуваше предлогот на Двери на дневен ред да се стави резолуција за Косово во рацете држеше поголем камен за кој кажа дека е од Косово и ги рецитираше стиховите на песната „Татковина“ на Ѓура Јакшиќ.

Истиот месец во српското собрание го „повлече“ за вратоврската пратеникот на Српската напредна партија Марко Атлагиќ ,за што доби опомена, а подоцна тврдеше дека станува збор за меѓусебна шега.

Двери лани остро се противеше на воведувањето на законот за рамноправност на половите.