22 Мај, 2019
0.0183

Кој е црепот што прави профит 30 отсто од приходите?

Објавено во: Економија 19 Април, 2019

Исплата на дивиденди за 2017 и за 2016 година во вкупна вредност од 5,4 милиони евра, добивка за 2018 година која е 30 отсто од приходите од продажба. Ова е дел од крвната слика на успешната австриска аквизиција “Тондах“, по ново „Виенербергер“, а поранешен винички „Пролетер“ најдобрата македонска ќерамида

Виничката индустрија за производство на керамиди “Тондах“, дел од позната европска групација за производство на кровни градежни материјали, лани оствари профит од 2,81 милиони евра и ја зголеми својата добивка за 60.000 евра во споредба со претходната година, покажуваат финансиските извештаи на независната ревизија објавени на веб страницата на Македонската берза за хартии од вредност.

Компанијата од Виница лани имала приходи од продажба во износ од 9,62 милиони евра и тоа е за 870.000 евра поголем приход од продажба во споредба со претходната година. Нето добивката на оваа компанија е речиси 30 отсто од нејзините приходи од продажба што е финансиски резултат што го посакува секој менаџер на компанија.

Од достапните финансиски податоци се гледа дека оваа компанија е во одлична финансиска кондиција. Кај тековните средства е евидентни две ставки. Првата е дека депозитите во банки на крајот на 2018 година изнесуваат 2 милиони евра, а на паралелно со тоа компанијата на крај на декември лани има во ефектива (пари и парични еквиваленти) има 3,5 милиони евра и тоа е за речиси еден милион евра повеќе од истиот период во 2017 година.

Компанијата има и акумулирана добивка во износ од 2,81 милиони евра. Од паричниот тек се гледа дека лани „Тондах“, кој сега е преименуван во „Винербергер“ лани исплатил дивиденда од 2,75 милиони евра, а во претходната година исплатил 2,64 милиони евра.

Од достапните податоци во билансот на состојба се гледа дека компанијата нема обврски по кредити, а дека обврските кон добавувачи и останатите тековни обврски биле на ниво од 820.000 евра.

Виничката компанија за производство на керамиди „Пролетер“ пред петнаесетина години беше превземена од австриски „Тондах“ и во тоа време тоа беше една од ретко успешните пост-приватизации во кои вработените акционери земаа солидни износи за своите акции.


Р.Ф.

Можеби ќе ве интересира

За инвестиции жените на село ќе добиваат по 3.000 евра

За инвестиции жените на село ќе добиваат по 3.000 евра

Колку пари врти бизнисот со софтвери?

Колку пари врти бизнисот со софтвери?

СЛОВЕНИЈА 15 ГОДИНИ Е ВО ЕУ: Еве со што можат да се пофалат

СЛОВЕНИЈА 15 ГОДИНИ Е ВО ЕУ: Еве со што можат да се пофалат

Поволните временски услови ќе овозможат побрзо пуштање на Автопатот Миладиновци -Штип

Поволните временски услови ќе овозможат побрзо пуштање на Автопатот Миладиновци -Штип

Малта, Хрватска, Германија се земјите кои ги „земаат“ стручните кадри од земјава

Малта, Хрватска, Германија се земјите кои ги „земаат“ стручните кадри од земјава

Не штедиме на месо: Колку пари направи „Солета“ лани од месни преработки

Не штедиме на месо: Колку пари направи „Солета“ лани од месни преработки

Николче Петкоски останува директор и претседател на УО на Еуростандард банка

Николче Петкоски останува директор и претседател на УО на Еуростандард банка

Ангеловска-Бежоска – Османи: Народната банка е посветена на евроинтегративните процеси

Ангеловска-Бежоска – Османи: Народната банка е посветена на евроинтегративните процеси

Се укинува роамингот, Владата ќе се заложи за минусот кај операторите

Се укинува роамингот, Владата ќе се заложи за минусот кај операторите