20 Мај, 2018
0.3256
    ALK 8098.79    0.29%     BESK 7738.39    -2.05%     GRNT 743.11    -1.78%     KMB 4373.93    0.64%     MKSD 204    9.68%     MPT 30016.78    0.05%     MTUR 4100    -0.41%     OHB 6498.44    0.11%     PPIV 44500    0%     RMDEN16 95.5    0.42%     RZLE 14    0%     RZLV 44    0%     RZUS 124.82    -0.94%     STB 1022.5    -0.26%     STBP 1102.85    0.07%     STIL 132.97    3.31%     TEL 270    -1.46%     TNB 13718    3%     TPLF 1573.88    -1.18%     TTK 860    -1.23%     UNI 2420.09    2.55%     ZILU 238    8.18%

Кој е најскапиот хотелски кревет во Македонија?

Објавено во: Економија 18 Април, 2018

Хотелите на „Македонијатурист“ лани работеле со искористеност на капацитетите од само 31 отсто!!! Ова значи дека хотелската компанија која има капацитет годишно да реализира околу 240.000 ноќевања лани реализирала 77.655 ноќевања. И на тоа работење остварила оперативна добивка од 86,7 милиони денари, но не знаеме колку во добивката учествуваат ноќевањата, а колку угостителските услуги. Има ли поскап кревет од празниот кревет? Дали ова прашање некој од акционерите во „Македонијатурист“ ќе го постапи на менаџментот на компанијата? Особено менаџерите на друштвата кои управуваат со пензиските фондови кои вложија значајни средства во акции на „Македонијатурист“

Македонскиот хотелиерски гигант „Македонијатурист“ лани остварил добивка од 109 милиони денари,а 65 отсто од тие пари се профит од дејноста. Искористеноста на капацитетите за ноќевање лани на ниво на сите 5 хотели на „Македонијатурист“ била 31,5 отсто што значи дека компанијата работи со третина од расположливиот капацитет во текот на 2017 година. „Македонијатурист“ има вкупно седум хотели во својот состав од кои ет хотели се во функција, а два се затворени подолго време.

Каква е искористеноста на капацитетот за сместување

Официјалните податоци на „Македонијатурист“ покажуваат дека компанијата лани работела со капацитето од 31 отсто односно реализирала 77.655 ноќевања од кои огромно мнозинство се странски гости. Во споредба со 2016 година бројот на ноќевања пораснал за речиси 15.000. „Македонијатурист“ може годишно да реализира повеќе од 233.000 ноќевања. Макар и теоретски. Најголемата хотелиерска компанија не може да стигне ниту до третина искористен од расположливниот капацитет. Ќе видиме на претстојното акционерско собрание дали некој од претставниците на пензиските фондови ќе го постави прашањето за искористеност на капацитетите за сместување.

Како лани работела „Македонијатурист“?

Податоците за работењето од билансите на успех и на состојба покажуваат дека речиси и да немало разлика во работата на компанијата во 2016 година и лани освен падот на оперативната добивка. Приходите од продажба лани изнесуваат 307,8 милиони денари што е речиси 5 милиони евра за цела година работа. Во споредба со 2016 година овој приход е понизок за само 10.000 евра. Оперативните расходи лани изнесуваат 237,34 милиони денари и во споредба со 2016 година се поголеми за 2,6 милиони денари. Кај сите расходни ставки нема значајни промени во однос на 2016 година. Разликата во нивоата на оперативна добивка за 2016 година и за лани е всушност во најголема мерка разлика во износите на останати оперативни приходи кои во 2016 година беа над 10 милиони денари (заради продажбата на ресторанот „Македонија“ објект на автопатот Скопје – Велес), а лани биле 4 милиони денари. Заради зголемени расходи кај неколку ставки меѓу кои се: останатите финансиски расходи, обезвреднувањето на нетековни средства и останатите расходи од работење компанијата лани имала добивка од редовното работење во износ од 119,7 милиони денари што е за 11 милиони денари помалку од 2016 година. Нето добивката за лани е 109,95 милиони денари

Ова значи дека зголемениот број на ноќевања од речиси 15.000 повеќе во однос на 2016 година скоро и да не направил некоја промена во финансиското работењето.

Најголеми акционери во „Македонијатурист“ се: Доне Таневски долгогодишен претседател на управниот одбор кој поседува 19,18 отсто од акциите, Соња Бибановска , долгогодишна членка на раководството која поседува 11,27 отсто од акциите и Глигор Копров кој поседува 4,58 отсто. Задолжителниот отворен пензиски фонд на НЛБ поседува 8,67 отсто од акциите во компанијата. „Македонијатурист“ е единствена и по тоа што во депозити и во финансиски вложувања чува околу 20 милиони евра. Оваа компанија неколку години наназад дели нето дивиденда која е малку повисока или пониска од 200 денари за акција, а исто ќе биде и годинава од добивката за 2017 година. 

Р.Ф.

Можеби ќе ве интересира

ОПОМЕНА ОД ФРАНЦИЈА: Една земја може да ја разниша еврозоната

ОПОМЕНА ОД ФРАНЦИЈА: Една земја може да ја разниша еврозоната

ВМРО-ДПМНЕ: Македонија со вакви политики оди во непосакуван правец

ВМРО-ДПМНЕ: Македонија со вакви политики оди во непосакуван правец

Две земји ќе ја прекинат трговската војна

Две земји ќе ја прекинат трговската војна

ГИ ПРЕПЛАЌАМЕ НОВИТЕ АВТОПАТИ? Компаниите што ги градат се најпрофитабилни во земјава

ГИ ПРЕПЛАЌАМЕ НОВИТЕ АВТОПАТИ? Компаниите што ги градат се најпрофитабилни во земјава

И покрај легализацијата, маслото од канабис ретко кој го купува легално

И покрај легализацијата, маслото од канабис ретко кој го купува легално

Илјадници вработени нема да одат на одмор во јули или август

Илјадници вработени нема да одат на одмор во јули или август

Пробиен рокот од првата фаза за изградба на новата клиничка болница во Штип

Пробиен рокот од првата фаза за изградба на новата клиничка болница во Штип

Зошто ММФ ја притиска Германија?

Зошто ММФ ја притиска Германија?

СДСМ и ВМРО ДПМНЕ ќе купуваат поевтина индустриска струја

СДСМ и ВМРО ДПМНЕ ќе купуваат поевтина индустриска струја