Кој е Трајан Димковски, новиот министер на МЗШВ?
Објавено во: Економија 24 Јуни, 2019
Новиот министер за земјоделство, шумарство и водостопанство Трајан Димковски беше шеф на кабинетот на ,Љупчо Николовски, доскорешниот раководител на овој ресор, односно на својот претходник.
Димковски пред три месеци беше назначен за раководител на Секторот за рурален развој во Министерството. Тој е во кабинетот на Николовски уште од времето кога тој беше заменик-министер за земјоделство,шумарство и водостопанство во таканаречената „пржинска“ влада на Емил Димитриев во 2016-та.
Димковски потекнува од Куманово, има 51 година и е дипломиран инженер по земјоделство со специјалност закројување. Настапувајќи во име на Комитетот за земјоделство на неговата партија, СДСМ, тој беше жесток критичар на земјоделските политики на претходната влада.
Димовски бил извршен директор на Националната федерација на фармери, додека работел и на проекти на Шведската земјоделска федерација за поддршка на македонските земјоделци.