22 Септември, 2020
0.0456

Кој ги врбува девојчињата - допрва ќе се размотува клопчето со „Јавна соба

Објавено во: Македонија 26 Јануари, 2020

На социјалната мрежа Телеграм во затворена група со име “Јавна соба”, малолетници објавуваат, споделуваат и коментираат на интимни фотографии и видеа на малолетни девојки од целата земја. Ова е предупредување што произлезе од дел од професорите, а многу родители се видно вознемирени.

Според информациите кои се споделуваат на интернет, дел од фотографиите се превземени од отворени профили, а дел биле препраќани преку приватни профили и имале порнографска соддржина.

А како што објавија два медиуми, Радио МОФ и на А1.он , вакви информации пристигнале до нивните редакции, по што тие успеале да влезат во групата и откриле фрапантни податоци – групата постои околу еден месец, има над 7.400 членови, а зачленување оди преку испраќање приватни пораки, по што автоматски си дел од групата.

За случајот веќе јавно проговорија повеќе професори и наставници.

„Институциите се на потег. Ова е аларм за сите нас - најмногу родителите, па училиштето и целата заедница. Пред очи ни се случува дегенерација на новата генерација млади и општ пад на моралот на сите нивоа“, алармира професорката Тамара Ќупева.

Таа на фејсбук денеска го објави следниов пост. 

“Јавна соба“ е името на групата што деновиве се шири меѓу средношколците во Скопје и низ другите градови. Станува збор за група која е креирана на апликацијата Telegram. Комуникацијата е идентична на Вибер - комуникацијата. За неполни три дена се зачлениле повеќе од 7300 членови. Членовите на оваа група, во слободна, отворена ( вулгарна) комуникација со другите членови, споделуваат и коментираат експлицитни фотографии од девојчиња од различни градови. Тоа се најчесто оригинални порнографски слики и видеа.
Дел од тие фотографии се лажни, но се поврзуваат со конкретни имиња, така што девојчето - жртва нема можност да докаже дека таа не е всушност девојката на фотографијата“, напиша меѓу другото професорката.

Таа нагласи дека ова е аларм за сите нас - најмногу родителите, па училиштето и целата заедница. Пред очи ни се случува дегенерација на новата генерација млади и општ пад на моралот на сите нивоа.

„Ова е крајно загрижувачка, сериозна опомена дека децата, воспитанието и нивното образование се најзапоставените приоритети.
Очигледно е дека во нашата лична, секојдневна и поширока, општествена агенда - тие дефинитивно се на последното место“, напиша професорката.

По предупредувањата од медиумите, дополнителната заменичка министерка за внатрешни работи Славјанка Петровска на фејсбук напиша дека Бирото за јавна безбедност веднаш почнало истрага.

„Во врска со затворена група на „Телеграм“ во која средношколци споделуваат експлицитни фотографии од свои врсници, Бирото за јавна безбедност веднаш започна истрага за мотивите и целите на формирање на оваа група. За сите детали и наоди јавноста ќе биде известена, а против прекшителите на законот ќе се поднесат соодветни поднесоци“, напиша Петровска. 

Можеби ќе ве интересира

Јанушев се повлекува, а Мицкоски кажа дека има полн легитимитет за водење на партијата

Јанушев се повлекува, а Мицкоски кажа дека има полн легитимитет за водење на партијата

Љупчо Палевски кажа кој наредил да го претепаат

Љупчо Палевски кажа кој наредил да го претепаат

Ќе се прави постмортен тест за украдениот пациент од Струмица

Ќе се прави постмортен тест за украдениот пациент од Струмица

Одбиен е предлогот на Мицкоски за вонреден конгрес

Одбиен е предлогот на Мицкоски за вонреден конгрес

РОДНИНА НА ПОЧИНАТО БЕБЕ БУРНО РЕАГИРАЛ: Спречен нов инцидент во струмичката болница

РОДНИНА НА ПОЧИНАТО БЕБЕ БУРНО РЕАГИРАЛ: Спречен нов инцидент во струмичката болница

ФАКТОР НА ДЕНОТ: Украден мртовец во Струмица, а младо моче почина од коронавирусот

ФАКТОР НА ДЕНОТ: Украден мртовец во Струмица, а младо моче почина од коронавирусот

ЗА ИНЦИДЕНТОТ ВО СТРУМИЦА: Дваесетина луѓе го однеле мртовецот сосе креветот

ЗА ИНЦИДЕНТОТ ВО СТРУМИЦА: Дваесетина луѓе го однеле мртовецот сосе креветот

Еве како изгледа пешачката зона покрај Вардар денес

Еве како изгледа пешачката зона покрај Вардар денес

ЦРН БИЛАНС: Досега 700 граѓани починаа од коронавирусот

ЦРН БИЛАНС: Досега 700 граѓани починаа од коронавирусот