29 Март, 2024
0.0926

КОЈ ЌЕ БИДЕ НОВИОТ ГУВЕРНЕР: Многу имиња, една фотеља!

Објавено во: Економија 19 Февруари, 2018

Добивај вести на Viber

Се одбројува до избор на нов гувернер. Истекува мандатот на актуелниот, Димитар Богов кој ги ситни последните недели од седумгодишниот мандат. Во јавноста се шпекулираат повеќе имиња на можни кандидати, но според информации на “Фактор“,  не е исклучено дека во битката за гувернерската фотеља ќе биде и самиот Богов. Дел од експертите што ги консултираше “Фактор“ велат дека изборот на нов гувернер на тест ќе ја стави кохабитацијата меѓу претседателот Ѓорѓе Иванов и Владата, односно парламентарното мнозинство.

Ќе има ли договор меѓу претседателот и премиерот?

Се ближи изборот на нов гувернер. Како никогаш до сега, ова прашање е под “мраз“. Во бизнис-политичките кругови“ се коментираат и шпекулираат имињата на можните кандидати, но речиси сите констатираат дека целиот процес на нeкој начин е под превезот на тајност.

Според информации на “Фактор“ во игра се повеќе имиња за можни кандидати, меѓу кои е и актуeлниот Димитар Богов. Така, нашите извори, посочуваат три имиња од банкарскиот сектор, двајца на водечки позиции. Дел од овие луѓе кои даѓаат од банкарството веќе имаат сериозно искуство во креирање на монетраните политики. Еден од банкарите  важи  за влијателен во банкарските кругови, долги години предводник на банкарски групации. Се споменува и име на актуелен функционер, економист кој беше еден од најголмите критичари на економските политики на претходната власт. Наши извори велат дека не е исклучено да се номинира и “професорско име“, економист и добар познавач на состојбите.

Еден од поранешните гувернери Љубе Трпески за “Фактор“ вели дека претстојниот избор на гувернер ќе ја тестира “усогласеноста“ на релација претседател на држава – премиер.

“За изборот на нов гувернер ќе биде потребна голема усогласеност меѓу претседателот на државата, кој дава предлог за избор на  гувернер и премиерот на државата, чие мнозинство треба да го изгласа, односно подржи предлогот во Собранието. Нелогично би било да се предложи решение кое нема да биде поддржано, па оттука ќе биде впечатливо да се види исходот од изборот на нов гувернер. Според мене, процесот на избор се ближи и веќе треба да се знае кој ќе биде номиниран“ – вели екс гувернерот Трпески.

Според позитивната законската регулатива, претседателот на државата дава предлог за избор на гувернер, а пратениците во Собранието се изјаснуваат, односно гласаат по предлогот. Мандатот на гувернерот е седум години со право на реизбор за уште еден. Наши извори велат дека актулениот гувернер не е исклучено дека ќе влезе во игра за уште еден седумгодишен мандат. Од банкарските кругови потврдуваат дека имаат сигнали оти Богов може да биде предлог на претседателот Иванов. Во овој процес за избор на нов гувернер, упатените посочуваат на уште едно име, експониран функционер од ДУИ. Досега бил на значајни функции во извршната власт,  но и со искуство во креирање на монетарната политика.

“ДУИ на некој начин покажа дека ја сака гувернерската позиција,  теоретски е можно да се дојде до договор за вакво решение, но сепак сметам дека тоа нема да се случи, бидејќи партијата на Али Ахмети, во делбата на кадровскиот колач, веќе доби значајни позиции“ – коментира познавач на состојбите за “Фактор“.

Димитар Богов беше избран за гувернер во 2011 година. На позицијата дојде од вицегувернерското место, како најмлад гувернер во историјата на независна Македонија. Изборот на Богов во 2011 година предизвика внатревладин конфлифкт, бидејќи од ДУИ не го поддржа предлогот на претседателот Иванов  и побараа од него да го повлече. Сепак, и покрај отсуството на поддршка од ДУИ и од тогашната опозиција, СДСМ и ЛДП, Богов беше изгласан за гувернер на НБМ. Богов беше наследник на тогашниот гувернер Петар Гошев. Гувернерската фотеља, како што коментираат познавачите, е значајна и како престиж, но и како една од најдобро платените позиции во финансискиот сектор. 

Д.А.

Можеби ќе ве интересира

ПРЕТСЕДАТЕЛОТ НА УО НА „ГРАНИТ“ СТРАШО МИЛКОВСКИ СЕ СТЕКНА СО 4.200 АКЦИИ - исто толку нови акции има и Ивана Милковска Симева, претседател на НО

ПРЕТСЕДАТЕЛОТ НА УО НА „ГРАНИТ“ СТРАШО МИЛКОВСКИ СЕ СТЕКНА СО 4.200 АКЦИИ - исто толку нови акции има и Ивана Милковска Симева, претседател на НО

ДОМАШНОТО ПРОИЗВОДСТВО НА МЛЕКО СЕ НАМАЛИЛО ЗА НАД 25 ПРОЦЕНТИ: статистика изброја и помалку говеда

ДОМАШНОТО ПРОИЗВОДСТВО НА МЛЕКО СЕ НАМАЛИЛО ЗА НАД 25 ПРОЦЕНТИ: статистика изброја и помалку говеда

БОГАТАШИТЕ И НИВНИТЕ ТЕЛЕФОНИ - ANDROID ИЛИ IPHONE: Овие видови мобилни ги користат Гејтс, Закерберг, Бафет и Безос

БОГАТАШИТЕ И НИВНИТЕ ТЕЛЕФОНИ - ANDROID ИЛИ IPHONE: Овие видови мобилни ги користат Гејтс, Закерберг, Бафет и Безос

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

Од 1 април зголемена минимална плата во Грција

Од 1 април зголемена минимална плата во Грција

ДУИ со експанзија во угостителството

ДУИ со експанзија во угостителството

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?