Малите компании ќе бидат конкурентни на огласот за премии за изградба на фотоелектрани
Објавено во: Економија 10 Јуни, 2019
Првиот јавен тендер за изградба на фотоволтаични електрани на државно
земјиште денеска беше презентиран пред потенцијални инвеститори од страна на заменик
претседателот на Владата задолжен за економски прашања Кочо Анѓушев.
Вицепремиерот истакна дека нема комплицирани услови за учество на тендерот, само заинтересираните инвеститори ќе треба да ги испочитуваат Законот за јавни набавки, фирмата да има бонитет , да има позитивен биланс, да не се осудувани.
„Единствен услов е минималниот премиум, односно најмала поддршка што ќе ја бараат од државата. Парцелите се од 10 мегавати, 2 мегавти еден мегават. Државата ќе ги заврши сите административни работи за да не губат време фирмите и ќе го пренамени земјиштето во градежно. Фирмите ќе треба да направат основен проект и еколошки елаборат. Цената на приклучокот, разговаравме со ЕВН да биде 20 до 30 илјади евра, за да не преговараат секој поединечно од инвеститорите“, истакна Анѓушев.
Тој исто така, потенцираше дека малите компании ќе може да учествуваат во овие инвестиции, и ќе бидат сосема конкурентни, бидејќи, сите фирми кои сакаат да учествуваат за државно земјиште на кое е планирано да се произведува 1 или 2 мегавати, нема да можат да учествуваат оние компании кои сакаат да инвестираат за 5 или 10 мегавати. Или како што вели тој, доколку имате два стана можете да ги ставите под хипотека и да учествувате на тендерот.
Отворањето на понудите од јавниот оглас за доделување премии за изградба на фотоволтаични електрани на државно земјиште за вкупно 35 мегавати,ќе биде јавно со присустви на медиуми во Клуб на пратеници, најави вицепремиерот. Од овие 35 мегавати, 25 MW на земјиште во Азамбагово, кај Свети Николе и 10 MW во Манастирец, на териоторијата на Македонски брод.
Вицепремиерот за овој тендер смета дека нема да се надминат 4 милиони евра годишно, средства кои ќе се одвојат од буџетот. Но, тој очекува да се побарат помали премиуми.
На тендерот може да се јават и домашни и странски компании.
Фото You tube