Кој му плати на Туџаров 440.000 евра: Првиот човек на Реплек продава акции од компанијата
Објавено во: Економија 14 Мај, 2021
Иван Туџаров, првиот човек на Реплек е продавачот на 300 акции во друштвото. Тој ги продаде во две блок трансакции на берза, една во средата, другата во вторникот. Со продажбата впрочем оттуѓи 1,16 порценти од вкупните акции на Реплек, а за нив купувачот му платил над 27 милиони денари односно речиси 440.000 евра.
Станува збор за 300 акции кои Туџаров ги продава по турбулентните случувања во друштвото и акционерското собрание на кое тој остана на челната позиција во фармацевтската компанија. Денеска за промената извести и на берза
„Иван Туџаров, Претстедател на Управниот Одбор на Реплек АД Скопје, изврши продажба на 300 обични акции со блок трансакции, издадени од Реплек АД Скопје, и по промената вкупниот број на акции кои ги поседува во Реплек АД Скопје изнесува 2.603 обични акции.
Инаку во првата блок трансакција продаде 200 акции или 0,77 отсто од друштвото по 90.133 денари за акција, а во втората 100 акции кои се 0,39 проценти од акциите на Реплек - една акција во блокот беше 90.000 денари.
Пред промените, долгогодишниот директор Иван Туџаров поседуваше 11,2 отсто обични акции во Реплек. Друштво за трговија и услуги Ситко Антонио Доел имаше 6,1 отсто, Сава Пензиски фонд 6,4 проценти. Владимир Пецовски поседува 5,79 од акциите, Душан Пецовски 11, 92 проценти, а Славица Туџарова 11,57 отсто.
Како што пишувавме, Реплек беше турбулентно друштво во претходниот период по одржувањето на првата седница на акционерското собрание на 8 април годинава. Извесни несогласувања меѓу акционерите резултираа и со раст на цената на акциите за двоцифрен процент, но по одржувањето на продолжението на акционерското собрание и изгласувањето на довербата на Иван Туџаров на раководната позиција, побарувачката за акциите немаше таков интензитет. Практично од 19 април немаше тргување со акциите на Реплек на пазарот. Тоа може да се толкува и како обид пред седницата некои акционерии да купувале за да имаат влијание во гласањето. Сега останува нејасно зошто и покрај битката Туџаров ги продава акциите.
А.Т.
Можеби ќе ве интересира
ВРАБОТЕНИТЕ ВО ПОШТИ СЕ ЗАКАНИЈА СО ШТРАЈК: Доведени се во прашање повеќе од 2.000 работни места
ПРЕКУВРЕМЕНА РАБОТА ВО ГЕРМАНИЈА - како се плаќа и оданочува, и колку прекувремени часови смеете да имате
Economic Watch: Германскиот добавувач на автомобилски делови со доверба продолжува со инвестициите во Кина
„КОГА ИЗЛЕГОВ ОД ‚ЗДРАВЈЕ РАДОВО' ИМАВ ВО ЏЕБ ДВА ДО ТРИ МИЛИОНИ ЕВРА“ - бизнисменот Јован Дабевски ексклузивно за „Бизнис муабети“ на Фактор
ОВА ПРАШАЊЕ СОЗДАВА РАСКОЛ ВО ЕВРОПА: Кој е за, а кој против нуклеарната енергија?
Која транспортна фирма ќе ги израдува акционерите со 2,3 милиони евра дивиденда?
ИНДИЈЦИ, НЕПАЛЦИ, ФИЛИПИНЦИ РАБОТАТ ВО ЗЕМJAВА: Дали газдите се задоволни од „увезената“ работна сила?
ПУШТЕН ВО УПОТРЕБА: Колку ќе заработи првиот приватен ветерен парк во Македонија?
КАРПОШ ПОВТОРНО ВИСОКО НА ЛИСТИТЕ НА ИНВЕСТИТОРИТЕ – Охрид останува уште една „медина“ за градежниците, еве каде најмногу ќе се гради
