КОЈ ПРЕЖИВУВА НА РЕСПИРАТОР? Познат пулмолог вели дека два критериуми се клучни
Објавено во: Балкан 25 Септември, 2021
Респираторниот
апарат последнава година и пол, кога пандемијата на корона вирусот го освои
светот, се најде во центарот на вниманието. Досега и во светот и кај нас се
говори за само малку успешно извадени пациенти од овој апарат, за жал поголем е
бројот на оние кои починаа.
Д-р Татјана Радосављeвиќ, позната српска докотрка, специјалист пулмолог, објаснува како всушност работи респираторот и како докторите одлучуваат кога е време да пациентот да биде ставен на апаратот за дишење.
- Два критериуми се клучни - нагласува д-р Радосављевиќ и прецизира:
- Првиот е кога концентрацијата на кислород во крвта ќе падне под 90 проценти. Кај здравите луѓе, тоа е во просек 95-100 проценти. Вториот параметар е зголемување на бројот на вдишувања и издишувања бидејќи пациентот дише брзо обидувајќи се да стигне до воздухот. Нормалниот број на вдишувања и издишувања е 16-20 во минута. Проблемот настанува кога пациентите дишат 25, 30, 40 пати во минута.
Таа, исто така, посочува дека е исклучително важно пациентот да се поврзе со респираторот во вистинско време, ниту прерано ниту предоцна.
- Имаше приказни дека респираторот треба да се вклучи што е можно подоцна, но тоа нема никаква врска. Единствено што е важно е да се следат споменатите два параметри - вели д -р Радосављевиќ.
Ако состојбата на пациентот се влоши додека е на респиратор, пациентот има помала веројатност да преживее, сепак, постои спас ...
- Се следи состојбата на пациентот. Ако промените во белите дробови почнат да се повлекуваат, што може да се види преку сликите, тогаш пациентот има шанса полека да се ослободи од респираторот и сам да започне да дише - заклучува д -р Радосављевиќ.
Колку пациенти преживуваат
50% од оние поставени на инвазивен респиратор преживеале на почетокот на пандемијата
5-10% поставени на инвазивен респиратор преживуваат сега
-Оваа разлика се должи на фактот дека од почетокот на пандемијата се воведени нови лекови, кои понекогаш можат да ја спречат најтешката слика, и со тоа некои пациенти го избегнуваат респираторот, односно сега пациентите кои се во најлоша здравствена состојба се ставаат на респиратор, заради што стапката на преживување е ниска. Во секој случај, без респиратор нивната смртност би била 100%.