Кој руски потег ја „потопи“ нафтата?

Цената на нафтата продолжи да паѓа поради растечкото производство во Русија и најголеми експлоатации на тој енергент во САД во повеќе од три години.

Цената на нафтените фјучерси денеска паднала за 1,1 отсто во Њујорк после три недели последователен пад.

Американската „лесна“ нафта WTI за јулската испорака поевтинила за 69 центи на 65,05 долари за барел во Њујорк. Вкупниот обем на тргување бил за околу 17 отсто под 100 дневниот просек.

Цената на северноморската нафта „брент“ за испораките за август паднала за 72 центи на 75,74 долари за барел на лондонската берза , пренесе Блумберг.

Производството на нафта во Русија пораснало на 11,1 милиони барели дневно во почетокот на јуни, што е повеќе во однос на производството од нешто под 11 милиони барели дневно во текот на најголемиот дел на мај и над нивото договорено со членките на ОПЕК.