Кој си купува акции во Комерцијална банка?
Објавено во: Економија 05 Декември, 2019
За сума од 1,9 милиони евра некој си купи 20 000 акции од Комерцијална банка.
Ова станува јасно од направените две блок-трансакции вредни 120,2 милиони денари на Македонска берза.
6.014 денари за акција се продале акциите во двете трансакции.
Неодамна домашната градежна компанија „Адора Инженеринг“ на берза во два системски блока плати по 100 евра (6.050 денари пазарна цена н.з.) за акции со право на глас во „Комерцијална банка“, објави берзата. Станува збор за инвестиција од 521.380 евра во акции со што фирмата на Ванчо Чифлиганец, која и досега беше најголем акционер сега поседува до 11,11 отсто од акциите со право на глас во „Комерцијална банка“.
Кои акции се „бест бај“ на нашата берза?
„Комерцијална банка“ е најтргуваната акција на нашата берза. Нејзиниот промет за првите девет месеци е 13,9 милиони евра (од кои околу 2 милиони евра се влог на фирмата на Ванчо Чифлиганец н.з.). Просечната цена на акцијата на оваа банка пораснала за 11 отсто на годишно ниво. Нејзината нето добивка за првите девет месеци е над 21 милиони евра и тука е една од клучните причини заради кои оваа акција е „бест бај“ за првите девет месеци годинава.