Кој во „Реплек“ ги прави големите пари?
Објавено во: Економија 30 Мај, 2018
„Реплек фарм“ е клучот на успехот за „Реплек“, лани таа фирма ќерка носи над 90 отсто од профитот на групацијата. Лани успеала за прв пат да извезе канабис за медицинска употреба за германски партнер и да обнови сертификати за пазарот на Руската федерација и на пазарите на Европската унија
„Реплек фарм“ е најважаната фирма-ќерка во групацијата „Реплек“ која носи над 90 отсто од профитот на групацијата во која има три фирми ќерки, покажуваат официјаните податоци од годишниот извештај на таа компанија. Лани „Реплек Фарм“ обезбедил приходи од 782,8 милиони денари и добивка од 119,2 милиони денари на „Реплек“.
Што е „Реплек фарм“?
Фабрика за лекови и хемиски производи, сертифицирана од Министерството за здравство за производство на лекови наменети за перорална и локална употреба во цврсти, полуцврсти и течни дозажни форми. Производниот процес е сертифициран со европски и национален GMP сертификат. Реплек Фарм лани успешно ја поминал инл6спекцијата и се здобил со сертификат за може да продолжи да пласира производи медицинска опрема и лекови на на територијата на Руската федерација. Воедно „Реплек фарм“ лани го обновил својот европски ГМП сертификат, а воедно се стекнал и со обновен ДПП сертификат кој посебно вклучува микробиолошко тестирање во контрола на лекови.
Дополнително, лани, оваа фирма ќерка продолжила интензивно да работи на проектот за произвдоство на канабис за медицински потреби и при тоа со германски партнер го реализирале и првиот извоз под бренд на германски партнер. Во извештајот пишува и дека значајно ја подобриле и соработката со српски партнери во доменот на услужно производство на лекови.
Просечна месечна бруто плата на член на Управниот одбор е 4.300 евра
Официјалните податоци од годишниот извештај за лани на „Реплек“ покажуваат дека по основ на редовна плата без дополнителни надоместоци на членовите на управниот одбор на „Реплек“ се исплатени 16 милиони денари. Управниот одбор на компанијата брои 5 члена.Претседател е Иван Туџаров, заменик претседател е Душан Туџаров, а членови се Даница Зимбакова, Сузана Милошевска и Лилјана Макрадули.
„Реплек“ во инвеститорската заедница важи за компанија која редовно исплаќа солидни износи на дивиденда .
Р. Ф.