30 Јуни, 2022
0.0315

КОЈА БАНКА „ГАЗИ“ КОН АКТИВА ОД ДВЕ И ПОЛ МИЛИЈАРДИ ЕВРА, А КОЈ Е НОВИОТ „МИЛИЈАРДЕР“ - еве колку тежат домашните банкарски играчи

Објавено во: Финансии 17 Мај, 2022

Добивај вести на Viber

Кварталните податоци што ги објавува Народна банка на Македонија за македонските банки се секогаш интересни за да се согледа кој е каде на македонската банкарска сцена.

Деновиве осамнаа и најновите бројки за активата на банките, кои говорат дека големите продолжуваат да бидат уште поголеми, но и дека спојувањето на досега не толку моќните банкарски играчи, би можело да ја загрози комоцијата на досега неприкосновените.

А токму окрупнувањето на банкарскиот сектор беше нешто на што со години наназад инсистираа од Меѓународниот монетарен фонд, со образложение дека бројот на банки досега беше преголем за нашиот пазар, како и дека помалку поголеми банки се подобри за конкуренција наспроти повеќе дисперзирани и не толку силни банкарски институции. Можеби тоа најдобро го покажа примерот со пропаѓањето на Еуростандард банка, која не можеше да се докапитализира за да опстои на банкарската сцена.

Треба да се потенцира дека последните квартални показатели што ги објави првата монетарна куќа се однесуваат на крајот на првото полугодие лани, но тоа е така бидејќи веројатно за обработка на овие бројки е потребно повеќе време.

Банка на тронот според големината и натаму останува да биде Комерцијална банка, со актива сега од дури 2,4 милијарди евра, или прецизно 2,398 милијарди. Само за три месеци, во однос на првиот квартал лани, активата на Комерцијална банка е зголемена за близу 200 милиони евра, или прецизно, за 186 милиони евра. Практично, Комерцијална банка останува да биде единствената банка со актива над две милијарди евра.

Инаку, за една банка да влезе во конкуренцијата на големи банки, Народна банка на Македонија тоа го условува со големина на актива од над 717 милиони евра, лимит кој е одамна надминат за нашата голема банкарска петорка.

Натаму, втора по големина е Стопанска банка Скопје, со тежина на активата од 1,857 милијарди евра. И Стопанска банка Скопје за три месеци има значаен пораст на својата актива, со оглед што на крајот на март лани таа изнесувала 1,727 милијарди евра, што значи дека за три месеци има раст од рамно 130 милиони евра.

Третата позиција е резевирана за НЛБ Банка, со актива на крајот на јуни лани од 1,736 милијарди евра. Тоа значи дека оваа банка имала зголемување на својата актива за 126 милиони евра за период од три месеци.

Промени настануваат во четвртото место, кое сега го зазема Шпаркасе банка, токму откако кон неа се присоедини Охридска банка, со што тие сега функционираат како една банка. Токму преку овие две банки се гледа како се создава моќен банкарски играч од два не толку големи. Односно, „новата“ Шпаркасе банка сега има актива од 1,204 милијарди евра, со што го надминува прагот на „милијардер“. Само три месеци претходно, пак, на крајот на март, активата на „старата“ Шпаркасе банка тежела 442 милиони евра, додека, пак, онаа на и тогаш големата Охридска банка била 708 милиони евра. Тоа е последниот квартал за кој податоците за овие две банки се презентираат одделно. Ова покажува дека двете банки заедно имале вкупна актива од 1,150 милијарди евра, така што новата банка не само што го окрупнила тој банкарски капитал, туку тој дополнително и пораснал за 54 милиони евра.

Халк банка продолжува моќно да гази во светот на големите банкарски играчи, достигнувајќи на крајот на првото полугодие лани актива од 1,180 милијарди евра. Со тоа оваа турска банка продолжува со својот тренд на постојан раст, кој во однос на претходните три месеци изнесува 51 милиони евра.

Следува групата на средни банки, нивниот број сега е пет, „осиромашен“ за Шпаркасе, која премина во редот на големите.

Прокредит е прва од средните банки, со актива од 628 милиони евра, а по неа следува Универзална банка, со актива од 410 милиони евра.

Овде треба да се спомене дека средни банки се оние чија вредност на капиталот изнесува меѓу 179 милиони евра и 717 милиони.

Трета средна банка е државната Развојна банка чии капитал изнесува над 231 милиони евра, додека, пак, вредноста на активата на Стопанска банка Битола е на ниво од 192 милиони евра.

Уште една банка влегува во групацијата на средни, а таа е Централно кооперативна банка, со актива од над 183 милиони евра.

Следуваат трите мали банки, каде лидер е ТТК банка, со актива од над 145 милиони евра, по неа е Силк Роуд банка, чии капитал тежи 125 милиони евра и на крајот е Капитал Банка, со актива од 50 милиони евра.

Нина Нинеска-Фиданоска 

Можеби ќе ве интересира

ХАЈРЕДИНИ: НОВИТЕ ПОЗАЈАМИЦИ СЕ КОРИСТАТ ЗА ЗАТВОРАЊЕ НА СТАРИ КРЕДИТИ, не остануваат средства за развојни инвестиции

ХАЈРЕДИНИ: НОВИТЕ ПОЗАЈАМИЦИ СЕ КОРИСТАТ ЗА ЗАТВОРАЊЕ НА СТАРИ КРЕДИТИ, не остануваат средства за развојни инвестиции

БЕСКАМАТНИТЕ КРЕДИТИ СТИГААТ ЗА НАПЛАТА, ДЕЛ ОД ФИРМИТЕ „ПАМЕТ НЕМААТ“ КАКО ЌЕ ВРАЌААТ - ако сакаат ново пролонгирање, бизнисмените да се обратат до коморите

БЕСКАМАТНИТЕ КРЕДИТИ СТИГААТ ЗА НАПЛАТА, ДЕЛ ОД ФИРМИТЕ „ПАМЕТ НЕМААТ“ КАКО ЌЕ ВРАЌААТ - ако сакаат ново пролонгирање, бизнисмените да се обратат до коморите

ЈАВНИОТ ДОЛГ ГОДИНАВА ЌЕ НАДМИНЕ 65 ОТСТО, проекциите во стратегијата предвидуваат негово намалување во 2027 година

ЈАВНИОТ ДОЛГ ГОДИНАВА ЌЕ НАДМИНЕ 65 ОТСТО, проекциите во стратегијата предвидуваат негово намалување во 2027 година

ВРАЗУМЕТЕ СЕ - УНГАРИЈА ЈА ПРЕДУПРЕДУВА ЕУ: Тврдат дека постои само една шанса да се избегне рецесија, а Путин не може да се победи

ВРАЗУМЕТЕ СЕ - УНГАРИЈА ЈА ПРЕДУПРЕДУВА ЕУ: Тврдат дека постои само една шанса да се избегне рецесија, а Путин не може да се победи

ЕДНА ПЛАТА НА КОМПЈУТЕРЏИЈА РЕЧИСИ КОЛКУ ПЕТ НАЈНИСКИ, просечната плата не е вистински приказ на платите во земјава

ЕДНА ПЛАТА НА КОМПЈУТЕРЏИЈА РЕЧИСИ КОЛКУ ПЕТ НАЈНИСКИ, просечната плата не е вистински приказ на платите во земјава

ШПАРКАСЕ БАНКА ПРОДАВА СОПСТВЕНИ АКЦИИ ПРЕКУ ЈАВНА ПОНУДА - се бара сума од 76 илјади евра

ШПАРКАСЕ БАНКА ПРОДАВА СОПСТВЕНИ АКЦИИ ПРЕКУ ЈАВНА ПОНУДА - се бара сума од 76 илјади евра

ПРОСЕЧНАТА ПЛАТА ДОСТИГНА 31.525 ДЕНАРИ, статистика повторно регистрираше раст

ПРОСЕЧНАТА ПЛАТА ДОСТИГНА 31.525 ДЕНАРИ, статистика повторно регистрираше раст

ГРАЃАНИТЕ НИКАКО ДА СЕ СМИРАТ, ПОВТОРНО ПРЕТВОРАЛЕ ДЕНАРСКИ ЗАШТЕДИ ВО ДЕВИЗИ - во мај намалување за седум милиони евра

ГРАЃАНИТЕ НИКАКО ДА СЕ СМИРАТ, ПОВТОРНО ПРЕТВОРАЛЕ ДЕНАРСКИ ЗАШТЕДИ ВО ДЕВИЗИ - во мај намалување за седум милиони евра

ПОРАНЕШНАТА ДИРЕКТОРКА НА „ЕВРОПА“, САВА ДИМИТРОВА, КУПИ 100 АКЦИИ ОД КОМЕРЦИЈАЛНА - вредат 19 илјади евра

ПОРАНЕШНАТА ДИРЕКТОРКА НА „ЕВРОПА“, САВА ДИМИТРОВА, КУПИ 100 АКЦИИ ОД КОМЕРЦИЈАЛНА - вредат 19 илјади евра