Која е новата компанија што Apple ја купува по долго време

Добивај вести на Viber

Технолошкиот гигант Apple се реши да ја преземе компанијата Texture која има специјализирани услуги за дигитални онлајн магазини со вести и информации за сума која сигурно ќе надмине 50 милиони долари иако засега финансиските детали не ги откриваат ниту двете компании. 

Apple има околу 200 милијарди долари во кеш кои не знае на што попрво да ги потроши и вообичаено доста тешко носи одлуки кога е во прашање преземање на нови компании, а последната голема аквизиција беше кога за речиси 3 милијарди долари ја купија Beats на продуцентите Др.Дре и Џими Ајвин.

Со преземањето на Texture од Condé Nast, Hearst Magazines, Meredith Corp, News Corp и Rogers Media, Apple сака да креира сопствена содржина на вести во специјализираните магазини за своите корисници, па така договорите со издавачите ќе се менуваат и додаваат нови што секако е возбудлива информација за сите кои имаат iPhone или iPad бидејќи на располагање ќе добијат доста богат избор на квалитетни статии од реномирани интернационални медиумски брендови.