Која македонска банка плати 1,3 милиони евра на пет врвни директори? Тие и вратија со профит од 35 милиони евра!
Објавено во: Економија 16 Март, 2023
„Комерцијална банка“ лани за сите свои вработени исплати 1,1 милијарда денари (17,8 милиони евра). Тројцата врвни директори (членови на Управен одборо) за својата работа поделија 1,34 милиони евра, а менаџерскиот тим што брои 51 лице за својот ангажман наплати 2,66 милиони евра. Две лица кои се надлежни за функции на контрола лани биле наградени со 125.000 евра. Очигледно дека мотивацијата и грижата за вработените дава плод. Сите вработени на најголемата македонска банка лани и донесоа профит од 35 милиони евра
Вработените на „Комерцијална банка“ на акционерите на оваа најголема деловна банка, според активата, им донесоа новосоздадена вредност односно профит од 35 милиони евра.
За својот труд, лојалност и ангажам лани наплатија вкупно 17,8 милиони евра. Дополнително, банката заради негативните инфлаторни влијанија на цените на енергенсите на своите вработени на почеток на 2022 година им ги зголеми бруто платите за 5 отсто (вредноста на бодот). Ова се детали од Годишниот извештај за работењето на „Комерцијална банка“ кој е достапен на веб страницата на Македонската берза за хартии од вредност.
Најголема одговорност според тоа и најголеми заслуги во форма на плати, додатоци и награди имаат петмината членови на Управниот одбор. Управниот орган на банката е предводен од Хари Костов, долгогодишен прв човек на „Комерцијална банка“ поранешен премиер, министер за внатрешни работи, вицегувернер на Народната банка. Негов долгогодишен прв соработник е Ило Илоски кој во минатото беше директор на Царниската управа и министер. Заедно со нив во врвната управувачка структура на најголемата банка е Маја Стевкова Штериева која е главен финансов директор. Од лани Управниот одбор на банката е проширен со уште два члена: Билјана Максимовска Поповиќ, директор на корпоративно банкарство и Никола Џамбазовски директор за продажба и развој. Овие петмина членови на Управниот одбор лани добиле плати, плати за деловна успешност, регрес, новогодишен надомест, приватно здравствено осигурување, менаџерско осигурување и новогодишен надомест во вкупен износ од 1,34 милиони евра. Просечно годишно за секој член банката платила по 268.000 евра.
Средното менаџерско ниво брои 51 лице кои по истите основи како и горенаведените лани се наградени со 2,66 милиони евра. Просечно годишно по лице банката за ангажманот на секое од овие лица платила 52.160 евра.
Р.Ф.foto freepik.com/roman-
Можеби ќе ве интересира
АЛКАЛОИД АД СКОПЈЕ РЕГИСТРИРАШЕ НОВО ДРУШТВО ВО КАЗАХСТАН: Прва подружница на компанијата во Азија
ЕВЕ ЗОШТО „ПЕЛИСТЕРКА“ ЗАРАБОТИ ЈАВНА ОПОМЕНА - кои одлуки не биле навреме објавени
ПРОФЕСОРОТ МИХАИЛ ПЕТКОВСКИ ПОДНЕСЕ ОСТАВКА ОД ПОЗИЦИЈАТА ЧЛЕН НА ОДБОРОТ - „Тетекс“ објави ценовно чувствителна информација
КВАЛИТЕТНО ПОВРЗУВАЊЕ НА СКОПЈЕ СО БУДИМПЕШТА СО БРЗА ПРУГА НА КОРИДОР 10: Николоски разговараше со неговиот колега Јанош од Унгарија, еве што договорија
„ЕВТИНАТА ДНЕВНА ТАРИФА НА СТРУЈАТА ОСТАНУВА, НИЕ ПОДДРЖУВАМЕ СЀ ШТО Е ДОБРО ЗА ГРАЃАНИТЕ“ - министрката за енергетика за Бизнис муабети на Фактор
Јован Деспотовски замина во опозиција и отвора приватен бизнис
КОЈ Е ПОДГОТВЕН ДА ИНВЕСТИРА ВО ОБЈЕКТ НА ПОПОВА ШАПКА?! Еве што може да купите преку комерцијалните банки
ФИРМИТЕ ШТО СЕ ПРИЈАВИЛЕ НА ТЕНДЕРОТ ЗА БУГАРИЈА, НЕ ПЛАНИРАЛЕ ДА ГРАДАТ, САКАЛЕ ДА ГО ЗЕМАТ АВАНСОТ И ДА ИСЧЕЗНАТ: Николоски открива зошто пропадна тендерот за пруга кон Бугарија
УЛТРА, МЕГА, СУПЕР БРЗ ВОЗ ОД БЕЛГРАД ДО УНГАРИЈА: Ќе се патува само 76 минути
