Која земја одлучи да го зголеми производството на нафта за 45 проценти?
Објавено во: Економија 17 Декември, 2018
Мексико најавува зголемување на производството на нафта за 45 отсто.
Ова ќе се случи во наредните години. Мексиканскиот претседател Андрес Мануел Лопес Обрадор најави планови за спасување на националната нафтена индустрија со зголемено производство на државната компанија за 45 отсто пред 2025 година.
„Ќе инвестираме каде што знаеме дека има нафта и каде ќе не чини поевтино да ја добиваме“, изјави тој.
Обрадор вели дека целта на компанијата Петролеос мексиканос е да го зголеми производството до 2,4 милиони барели дневно во однос на сегашните 1,65 милиони барели дневно.
Претходно, имаше планови за инвестиции од околу 3,65 милијарди долари во Петролеос мексиканос.
Членките на Организацијата земји-извознички на нафта (ОПЕК) и државите кои не се членки на таа група, на средбата во Виена неодамна донесоа одлука за намалување на дневното производство на нафта.
Сухаил Мохамед ал Мазроеи, претседател на Конференцијата на ОПЕК и министер за енергетика на Обединетите Арапски Емирати изјави дека ОПЕК донело одлука за намалување на дневното производство за 800 илјади барели нафта.