Колкав девизен прилив од туризам ќе има Македонија?
Објавено во: Економија 17 Август, 2018
За 26,5 проценти поголем девизен прилив има туризмот во првиот квартал годинава за разлика од истиот период минатата година. Очекувањата се дека 2018-та година ќе заврши со прилив до 24 милијарди денари, посета на 1,2 милиона туристи и реализирани 3,2 милиона ноќевања.
Како што рече денеска директорот на Агенцијата за промоција и поддршка на туризмот (АППТ) Љупчо Јаневски, идната година во фокусот на привлекувањето туристи, покрај Турција, Бугарија и Полска кои засега се најбројни, ќе бидат и Романија, Германија и Шпанија. Постои интерес за воведување директна авиолинија Букурешт - Охрид, а се размислува и за обезбедување пет или десетдневни визи за кинеските туристи кои се многубројни во регионот.
Агенцијата сосема го менува концептот на промоција. Акцент става на он-лајн рекламирањето на кое отпаѓаат 70 отсто. Останатото рекламирање е преку класични медиуми.